A voltis cun co tabai cun tante int foreste che stan visitant i Stas Unîs mi vegnin i sgrisuli su ce che le int ator pal mont e pense su cemût che je le vite ca vie. Se o varès di la' daûr a corezi e barufà' su dutis lis bufalis co sint o pierdarês un grum di timp e amis. Su dut al esist un font di veretât, ma a voltis parsore si son montadis realtâts che no esistin o che son, cjapant in prestit une peraule taliane e inglese "sensazionalizadis".A cui da' le colpe ?
Spes si met al dêt su ce che in Americhe al e' definît "Mainstream" , ce che al e' plui o mancul al minim comun denominadôr de nazion in culture, musiche guscj. Ma esistial par dabon ?
Le diversitat e je cuasi simpri stade le fonde de Americhe, cumò o speri che ancje al rest dal mont si inacuarzedi.
7 comments:
Eh si, tu às propit reson.
In Italie, in Friûl la int e è plene di prejudizis a rivuart dai U.S.
Un pâr di agns inadûr o vevi dât une man organizâ un incuintri a Rome cun un espert dal sisteme politic american che al varès vût di comentâ i risultâts da lis elezions presidenziaji dal 2004. L'om è ere veramentri preparât inte so materie, ma plui grancj a forin i pregjudizis dai presints, pronts a dasi fûc par difindi lis lôr convinzions.
Ce che i talians no rivin propit a comprendi e è la complesitât de societât americane e dai siei sistemis juridics.
In dut câs ti inviti a no molâ, a cirî di fanus cognossi la veretât sul cont dai funzionaments de societât de altre part dal ocean.
Cjars Norman e Matieu,
si sa che purtropp i stereotipos no son atri che economies che el cjurviel al fas par semplificasi le vite. Par inscjatola' le realtat in compartimentos stagnos, dai quai si pratint di ve' une conoscince masime.
Purtropp, i pensi ancje che nome une esperienze direte in tun pais ti permeti, dopo ve cognosut un campion statisticamentri valid ti persones, di permeti di tira' alcunes conclusions generalizzades e generai sule int e i costums. Dal tipo "in americhe e son plui fast food che in Italie", magari.
Cert che fint quant che le int si limitara' a cjala' i Tg1 li che i servizis e vegnis fas o de cuestes dal Pais, o in corrispondence di event catrastrofics (Katrina, Columbine, el massacro de Virginie, i "davidians"..), le comprension das Stas Unis no podara' che essi limitade.
In te stesse maniere, le identificazion de Italie cun paste, mandolin e balon e dismentee realtas culturai (no par ultins i regisc dal dopoguerre..) e industriai (Luxottica, tant par fa un non, o Carpegiani..)che e dan lustri al Pais.
Come che ai dite tal blog dal Romanini, le "sorprese" che mi a cjapat quant che ai cjatat libris sul Furlan te "me" Universitat dal MidWest a nome tre setemanes dal me arriv, ai e' state une "epifanie" che mi impedira' (i speri..) di procedi come che e savess dut su chest pais ancjemo prime di cognossilu.
Tal grant al sta' dut, al diseve me pari. Puest pal "mainstream" e pes robes indie, ancje..
mandi!
O pensi che cun che le ideis e an le fonde in tune ideologjie al devente une volte dificil scoltà' opinions e ideis diviersis.
E je vere, tante int in Europe ( no dome in Italie ) e pense che le Americhe e varès di jessi une copie dal vecjo continent sul sisteme politic, juridic e social. Baste viodi dome ale composizion demografiche.... o sin un pais di 300 passe milions di abitants, cun int che simpri di plui e a ven di ogni bande di mont. ( no plui dome in Europe )Ancje un dai nestris stâts al e' tal mieç dal Pacific...
E dopo dite chest, le Americhe no je nancje al pais plui " Globalizât dal mont" al semee che secont al KOF index, le magjoranze dai pais Europeans e son tant plui globalizas che no i Stas Unis ( link)
al discors al podarès jessi plui lunc...
ForestPark,
o pensi che plui al timp al pasarà' plui tu ti justarâs ale vite chi, ...sul capîlu tu viodarâs che a lunc tiermin apene che tu ti fasis une idee sul pais tu viodaras alc che te fas cambia'. ;-)
Spiegantnus i USA par furlan tu nus fasis un grant servizi: mi plasarès che tu lu fasessis plui dispès. Cussì achi in Friûl o podin cognossi, capî e informâsi miôr su di une realtât che dispès e anticipe chel che al sucêt achi. Cemût - par esempli - cul crollo de borse?
Vê imagjinis preformadis - stereotips e clichées - al è normâl, no podìn cognossi dut e al è plui facil fondâsi su ce che nus disin, su chê che e je la imagjine curint di une robe. Forestpark al à reson, dome jessint a stâ intnue bande par tant timp tu puedis salacor fâ cualchi considerazion, ma jo no sarès tant sigûr di podêle tant "gjenerlizâ" (cual isal un campion valit? jo no podarès dî di cognossi un campion valit dai Todescs, ancje se o soi chi di scuasite 7 ains e o ai vivût in bandis difarentis: salacor o cognòs un campion representatîf dal milieu che o frecuenti, ma al è avonde pôc par gjeneralizâ...). Jo no crôt però che si scugni cjapassile cussì tant, come che al dîs Dree, al è just cirî di fâ capî se i stereotips a son juscj o no, e chest al è pussibil dome presentant lis esperiencis e lis realtâts che si vivin e si viodin. E no je nancje cuestion di ideologjie, o crôt... e je une cuestion di inteligjence de int... chi a son tancj che a crodin che la Italie e sedi pizzapastamandolino (e talians e furlans che a crodin che la gjermanie e sedi Oktoberfest e neonazis al Est), ma se tu i mostris altri, tancj lu capissin. E cui che nol vûl (o nol rive a) capî, amen, si sierará tal so e al pierdará tant te vite... o crôt che l'impuartant al sedi però che nô no si rindini e o continuini a cirî di fâ viodi e capî... Mandi!
O sbaliin cuant che o fasin di dute la jerbe un fas, cuant che o disin i 'merecans. Nus vignarès plui comut podê dì i 'merecans a son cussì, o a son cu là. Invecit a son 'merecans pe pâs, che no fasin plui notizie, a son 'merecans cence SUV, e vie indenant, al è che nô chei 'merecans cussì no ju viodin. No fasin notizie. Mi domandi dulà sono. Parcè chei altris sboldrons la àn vinte?
Furlan,
al sares di di' che Micheal Moore al e' merecan tant che Bush, che je tante int che va ator cun les ibridis tant che le int che va ator cun lis SUV.
Che San Francisco, e je une vorone progresiste e che John McCain ( Republican-Arizone ) su questions qualis le migrazion e regolamentazion dai clandestins e le lor naturalizazion come citadins al e' une vore plui a sinistre di tancj europeans di sinistre.
E si visaiso di Seattle e i No-Global... dula' isal scomencjat dut ?
Post a Comment