Les vôs dai Furlans sparniçâts ator pal mont

Friday, September 5, 2008

Pre Zaneto - Poesis furlanis

Ator pe viis dal comun di Pavie e je ancjemò vive le memorie di Pre Zaneto, plevan di Percut dal 1911 al 1947. Nassût al 17 di gjenar 1872 a Porpet al jere un predi, poete e une istituzion locâl. Vôs libare tant che in tai agns '30 cuant che al Prefet dal timp i a dite di no scrivi par Furlan, par dispiet le sôs contis su le Vite Catoliche e son saltadis fûr in tun Talian che come si use di' al jere " Taliato col filo di fiaro" .

Le so ironie no a mai sparagnât nissun, tant che si e' contat in chestis peraulis :

"Bocje e je masse largje - e i dinc' son rârs,
e su lis gramulis - e scampanotin
tre quatri crepis - di maselars,
che mi foropin - di spes la lenghe
o ben mi lassin - sbrissà la pipe,
che mi brusine - che m'incinise
dute la vieste - denant la tripe...
... Barbe seade - e sot la barbe
la papagorgie - a pendolon..
.. orele dure , cope massizze ,
ongule lungje, - orlade a neri..
... cjapiel in bande,
tonie scussade, culi' sul stomi - cence botons ;
pedane a sbrendul - bragons a cjalzis
che van a armoniche ju sui talons...
ma in ogni mud
no je la tonie - che fas il frari;
che la l'e' propri - Zaneto...arûd"
("Il gno ritrat", 1927)

Cun co jeri in patrie in Avrîl o ai cjatât un so vecjo librut di poesiis, chi sot le version PDF:

Read this document on Scribd: re edit pre zaneto


Par plui informazions o consei al libri :
"Pavie , Il comune e la sua storia"
2006, Societât Filologjiche Furlane
Pagjinis 232-238

5 comments:

Unknown said...

No lu cognossevi. O soi entusiast.
Al mi somee simpatic ancje parcé ch'al à scrit cul so non invesit di doprâ il so titul di plevan.
Grassie de drete. Intant o lu scjarii. Daspó o voi in Friûl par 5 dîs ae fin de setemane.

Unknown said...

Grazie ancje di vêlu mitût on line.
Pôc a pôc, o cjatarin dut sul web:-)
Mandi

Luca Peresson said...

Scuse par l'O.T.

Vinars ai 10 di Otubar, a 5 e mieze sot sere, alì dal auditorium dal gnûf palaç de Regjon a Udin (vie Sabbadini), la gnove version su cd dal GDBTF e ven presentade in maniere uficiâl. Ta chê ocasion, duncje, si podarà vê a gratis cheste seconde edizion dal cd che e à dentri uns 40 mil lemis (cun sinonims, fraseologjie, e v.i.) e che e rapresente, duncje, un imprest impuartanton par ducj chei che a doprin la lenghe furlane.

Pluto said...

non hai tempo di aggiornare il blog ??

Anonymous said...

I wish not acquiesce in on it. I think polite post. Expressly the title-deed attracted me to read the sound story.