Les vôs dai Furlans sparniçâts ator pal mont

Saturday, September 4, 2010

In tal trafic

Al jere miercus di matine e o stevi lant a vore. O stevi guidant le machine ma al me cjâf al jere plen di pensîrs. Rivaraio a vore mancul 15 minûts prime? Ustie o ai di visâmi di cjoli al libri pal cors di anatomie, o ai di paiâ le bolete eletriche... e cussì indenant. Tant cal me cjâf al jere daûr a pensà a ce co varês fat e vût di fa vie pal di' I mei voi e cirivin le corsie plui svelte e al voli al e' colât su une machine. Le machine e jere scure, e dal barcon daûr si viodeve une bandiere spleade parsore di une bare. Le bandiere ere che nazional, le machine e steve lant da le base militar le che rivin i colats in vuere oltremar al simitieri di Arlington le che i soldats e vegnin sapulits. Un minut prime pe radio e vevin finut di trasmeti un toc dal discors dal president sule fin de vuere in Iraq. Une des vueris e je finide ,al diseve,e i soldâts e stan tornant a cjase. Cui erial chist zovin o zovine? Ce siums vevial cun cal a firmât al contrat di servizi ? Forsit al le lat soldat parceche al voleve dome servi al so pais, o pe borse di studi, o parceche al voleve viodi al mont, o parceche al jere cence lavor e al servizi militâr al jere restât le une maniere dignitose par mantignisi e proviodi pe so famee.
In tancj pais par i colâts in vuere e son funerâi di stat, cun tant di autoritâts e frecis tricolôr. Ma in chest cas e in tancj altris nuie. Dome cualchi uficiâl in gringule , i parincj e tantis graciis di bande di une nazion par simpri in debit. O sin un pais in vuere, ma cjalant ator no si nacuarzisi. Le int e va pa soi afârs come nie e i muarts e vegnin puartâts in tal simitieri in te anonimât dal trafic pendolar e intant une altre vuere e continue.

5 comments:

Giulia Di Lenarda said...

Chistu scrit a mi a fat rifleti su cemot che, par trop che i podin sei amas e par trope int che i cognosin, quan che i sin muars i sin besoi. Dopo la muart a cambiin tantes robes tra chei che a restin.

Jo i crot che, ta une situasion dal genar, l'uniche robe che i vares rivat a fa a l'ere che di metimi a vaì e disci une preghiere par che persone.

A è propite vere che spes e volenter no si rindin cont dala fortune che i vin a va la vite.

Bune serade e ti ringrasi par la visite.
Maman
Giulia

Anonymous said...

Mandi Norman,
ti lei dopo tant timp e cheste storie di tristece a si coleghe a chel che à scrit une cjare persone, Nedda Gottardi, une mestre ca je la none di ducj i blogarins, difat e à 89 agns.
Ce che tu as scrit lu ai voltât par talian e lui ai metût tal so blog
http://neddagottardi.splinder.com/
post/23273372#comment

Furlans de diaspore said...

Giulie,

Vere. Ma in tai doi moments decisivs de nestre vite, nassite e muart o vivin chestis esperienzis dibesoi.
Ma tantis voltis cun che si smentein che de int che vif ju lassin muri ancjemo' plui dibesoi.

Furlans de diaspore said...

Donebete,

Grazie par ve' voltat le storie par talian e vele condividude.
Ce che mi ven iniment di plui al e' che a 9 agns o sin ancjemo' li e in vuere e che chist stat di vuere permanent al sta' deventant une robe normal come al lavor precari ( li' in Italie ) e i lavors in tai servizis a basse compensazion. ( chi in Americhe )

Mandi,

frank spada said...

Vuere in bande, che tant la pas... dome une ilusion, primordial, di cuanc che cualchidun a l'à tacat a spulcjasi e subite dopo a rivalegià par stabilì di cui ca l'è il mont - cundut ca l'è vignut un puar omp a ripeti la lizion, picjat su une cros.
Dutcas o soi rivat chì, sior furlan de diaspore o del Maryland, passant di Done Bete, par complimentà chist blog, lis fotos very, very nice! e... o tornarai. Mandi e W il Friul!