No in tancj in te blogosfere furlane e an scrit ultimementri de epoche co sten vivent. No stai tabaiant dal gnûf president merecan o de politiche ma a le svolte economiche dai ultims doi agns.
Chi in Americhe o sin za di plui di un an in crisi economiche. Al gjornâl al semee a un boletin di vuere, mil puescj taiàs la, dîs mil dilà. Se no sin ai livei di miserie dal '29 al e' dome parceche i politicants no son rivâts a disfà' dal dut al sisteme previdenziâl in tai ultims trente agns. No passe zornade che o sint di amis e di int che a pierdût al lavôr par vie di " ristruturazions" e altri eufemisims.Mi sta' deventant simpri plui facil contà' le int co cognòs che un lavôr lu a ancjemò'.. Ma come se nol fos avonde cumò' intiaris fameis e cjapin decision tragjichis. Ce che mi disturbe di plui e je le nozion che cui co sin, al nestri destin al e' leât a une cariere o a un "status" in te societât. Cui sino deventâts come societât ?
Al merecan come al furlan al a une imagjine di se stes come "salt, onest e lavoradôr".
Nie di mal cun chest, ma se al lavôr nol esist ?
Ale fin dal conts mi sa co restarin dome "salts e onescj e puars in cane"
.....spiritualmentri si capis.
Al merecan come al furlan al a une imagjine di se stes come "salt, onest e lavoradôr".
Nie di mal cun chest, ma se al lavôr nol esist ?
Ale fin dal conts mi sa co restarin dome "salts e onescj e puars in cane"
.....spiritualmentri si capis.
5 comments:
«Mi sta' deventant simpri plui facil contà' le int co cognòs che un lavôr lu a ancjemò'..»
E je une frase che e fâs pardabon sgrisulâ!
E je une vore grivie....
In chestis setemanis o vin superât 30 milions di merecans che tirin al sussidi alimentâr. (plui dal 10% de popolazion al e a livei di destituzion totâl )
E podarès jessi piês.:-(
Ca la situazion no è che sedi propri tant miôr, dome che la crisi e à di rivâ dal dut e che l'informazion si sta ocupant, cualchidun al dîs di pueste, di altris temis.
Par ce che o rivi a viodi diretamentri ca in Friûl la grande industrie e è in clare dificoltât: ABS mâl, Caffaro malissim, Danieli no ben, Ermolli mâl, lis industris di là da l'aghe une vore mâl.
La piçule industrie, ven a stai lis fabricutis no stan tant miôr: a an mancul lavôr, i clients son simpli plui indaûr cui paiaments e lôr no an i mieçs par cirî une gnove position tal mercjât.
Il public no sta fasint cetant par movi la aghe, no an ideis, aspart chê di taiâ la spese ma chel no è avonde.
La uniche vere diference è che lis fameis ca no an cetancji debits come in Americhe, tancji a an une cjasute e ancjemò un tininin di ossigjen par tirâ indevant par un pôc, sperant che lis robis a vadin in miôr.
Matieu,
Une robe di tignî' cont al e' che un disocupât Furlan al a cuvierture sanitarie garantide ancje cun che no la al lavôr.
Chi une volte disocupâts e son $$$ di paià al mes par mantignì le sigurazion.
Par me al è plui facil analizâ la situazion de Spagne che chê dal Friûl. E in fin dai fats mi somee che a cjase nestre i nivei di crisi a son plui bas che di altris bandis.
Post a Comment