Ogni tant mi capite di tabaiâ cun int foreste in visite in Americhe e mi disin su trop cortês e zentîi ducj e son. Cemût che tes buteghis e fûr pes stradis dai borcs residenziâi al capite di jessi saludâts da int che nancje tu cognossis, dal autist dal autobus come che dal omp cal cjape su les scovacis. Dut un " Cemût statu", " Bon di'", "Buine sere" "Tenti cont" etc etc..E je une forme di cortesie standard, nie plui nie mancul, no sucêt pardut come tes areis urbanis, ma al capite di plui in te suburbie e in tai borcs citadins plui cuiets e mancul traficâts.
Cui cal cognòs i Stâts Unîs al sa che i Merecans al e' un popul che miôr di atris al a specializade le art de tabaiade, specialmentri che casuâl cun int che no tu cognossis o che tu as apene cognosut. Un viaç intercontinentâi e tu sâs vite muars e miracui su le persone che je sintade ale to diestre ...e sinistre. Sigûr no ducj e son cussì, ma a cui cal ven dal forest chest al pues da' un ciert tipo di impression che no atris ca vie o dedin a ducj masse confidence. Di solit tantis voltis e chest lu sai e lu dîs par esperience personâl, cun che si va' tal forest si puarte daûr chestis abitudinis. Al pues capità' di di' un Mandi casuâl pe strade dal pais a une persone che no tu cognosis ma che ti passe dongje e tu ti cjatis a jessi scuadrât da cjâf a pîts. O intune buteghe, tu ti domandis parceche ducj e sedin cussì frêts scuasit maleducâts tai toi confronts. Chest articul al analize une vore ben i fraintindiments tra Merecans e Todescs che dopo e deventin une culture par ducj stereotips e cliche che o cognossin ben. A di le veretât, gjavait Todescs e miteit Furlans o atris nazionalitâts europeanis e al discors al e' al stes. Chest articul invezit al tabaie di cierts aspiets de culture merecane che an colpît l' autôr tornant a cjase in Americhe dopo un periodi in Gjapon.
8 comments:
Al é simpri interessant di viodi il to pont di viste di furlan ch'al sta di fûr e ch'al si confronte cun tun âltri mont. O mi domandi cuâl dai doi, il to o il gno, al é plui difarent dal mont furlan.O crôt ch'o sin come plantis e o cressín secont il puest indulà ch'a si si cjate. Se il sorêli al ven de diestre a si gire a diestre e sa non d'é sorêli o stin fers zence movisi. Une amie stilist aé lade a cjatâ le famée a Nedâl in Cjargne, a mi a dite ch'a somee a un cimiteri. Sintint, i discors dai blogarins furlans, a si viôt subite chei ch'a stan plui distants dal Friûl: A no cjacarin simpri de stesse rôbe e no colin simpri sù le politicute locâl. O ai let i articui ch'a tu menzionis.
Personalmenti, i amerecans ch'o ai cognossût a son simpri stâts facils tai contats e direts. Forsit un tininin superficiâi. Daspó, o crôt ch'o sin ancje tributaris de nestre lenghe. In Italie, prime che un al finissi le sô frase, al é interót trê cuatri vôltis pal interlocutôr ch'al crôt di vê zà indovinât dut e al s'impaziente par dî le sô. I todescs, cun le maniêre di cjacarâ che an, a scuegnin spietâ che le frase a sedi finide par savê esatamenti di ce ch'al si trate. Insome, al si puedarès forsit crodi che cun ducj i furlans ch'a in d'é pal mont a si varès di podê fâ come i ebreos ma prime ch'a si vedi le nestre gnove Palestine, o scuignarin spitâ un grum.
Cuant nus fasitu un post su lis primariis, che o soi curiôs di lei il pont di viste di un furlamerecan?
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my site, it is about the CresceNet, I hope you enjoy. The address is http://www.provedorcrescenet.com . A hug.
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my site, it is about the CresceNet, I hope you enjoy. The address is http://www.provedorcrescenet.com . A hug.
Dree,
O stoi lavorant sul post, o vares di finilu in zornade.
Ti ai let vulintîr. Tai rapuarts jenfri lis personis no sai trop lis convenzions, i rituai, il vivi sociâl al rivedi a jentrâ tal sè di un altri, cualchi volte e je nome piture sore dal nuie: Cemût stâstu? No mi freie nuie.
Cualchi volte al è nome un mandi, scjaldinôs e penz che al dîs tant.
mandi
I merecans che o ai cognossut a jerin propit cemût che tu disis tu.
Vignint al Friûl, cuant che o soi tornât a stâ tal me paîs dopo jessi stât par cualchi àn a Udin o soi restât parcè che la int par strade mi saludave. No jeri plui abituât.
belli questi ragionamenti, mi pare che adesso, da noi, stiamo passando a diventare più onesti, non salutiamo più per finta, personalmente però mi avvilisce la cosa, sembra che ognuno voglia vivere nella sua bolla di sapone incrociando le altre bolle solo se ritiene di poter avere un utile, mandi^^
Post a Comment