Furlans de diaspore

In tal trafic

2010-09-04T07:45:00.001-07:00

Al jere miercus di matine e o stevi lant a vore. O stevi guidant le machine ma al me cjâf al jere plen di pensîrs. Rivaraio a vore mancul 15 minûts prime? Ustie o ai di visâmi di cjoli al libri pal cors di anatomie, o ai di paiâ le bolete eletriche... e cussì indenant. Tant cal me cjâf al jere daûr a pensà a ce co varês fat e vût di fa vie pal di' I mei voi e cirivin le corsie plui svelte e al voli al e' colât su une machine. Le machine e jere scure, e dal barcon daûr si viodeve une bandiere spleade parsore di une bare. Le bandiere ere che nazional, le machine e steve lant da le base militar le che rivin i colats in vuere oltremar al simitieri di Arlington le che i soldats e vegnin sapulits. Un minut prime pe radio e vevin finut di trasmeti un toc dal discors dal president sule fin de vuere in Iraq. Une des vueris e je finide ,al diseve,e i soldâts e stan tornant a cjase. Cui erial chist zovin o zovine? Ce siums vevial cun cal a firmât al contrat di servizi ? Forsit al le lat soldat parceche al voleve dome servi al so pais, o pe borse di studi, o parceche al voleve viodi al mont, o parceche al jere cence lavor e al servizi militâr al jere restât le une maniere dignitose par mantignisi e proviodi pe so famee.

In tancj pais par i colâts in vuere e son funerâi di stat, cun tant di autoritâts e frecis tricolôr. Ma in chest cas e in tancj altris nuie. Dome cualchi uficiâl in gringule , i parincj e tantis graciis di bande di une nazion par simpri in debit. O sin un pais in vuere, ma cjalant ator no si nacuarzisi. Le int e va pa soi afârs come nie e i muarts e vegnin puartâts in tal simitieri in te anonimât dal trafic pendolar e intant une altre vuere e continue.

Qualchi foto piardude

2010-02-13T14:43:00.000-08:00

Sgarfant ator o ai cjatade une vecje clavute cun des fotos co ai fat in Friul timp indaur.
Par ducj che come me' no son in Friul, e chei che son in Friul ma che no viodin l'ore che rivedi le primevere un pocjs di fotos furlanis.

Coca Messicane

2010-02-11T13:52:00.000-08:00

Le me' bevande preferide e je' al cafè ( merecan lunc, no espresso grazie ), in mancjance o assum le me dose cuotidiane di cafeine par vie di altris bevandis cafeinadis.
Di solit e je une Coca Cola o alc di simil.Al probleme cu le Coca Cola fin dai agns '80 ale' stat ( chi in Americhe ) che al sucar di cane al e' stat costituît cul HFCS. (High-Fructose Corn syrup) Tradot par furlan "sirop di blave". :-)
Sicome mi viôt come un sommelier di bibitis, par esperience o sai che al savor di une bevande al HFCS e une al sucar di cane e an doi savôr distints. Un poc come le diference tra une bevande "diet" e une no. E son diviersis rasons par evità' al omni-present HFCS e chest sito lis liste ma personalmentri le fas par vie dal savôr.
Fin a cualchi timp indaûr le viodevi come une cause pierdude, dopodut i produtôrs di blave e son une lobby une vore potente, ma in te me buteghe preferide o ai cjatade une casse di Coca Cola cu su scrit "Echo en Mexico" plene di butigliutis di veri come che no les vedevi dai agns '80 . Nie di strani se nol fos co sin in Americhe e che le Coca-Colas in cuestion invecit dal HFCS e son stadis tratadis cul plui tradizionâl sucar di cane. Cirint ator pe ret o ai scuviert che no soi l'unic "tradizionalist" in Americhe e che di agns e je int dongje dal confin Messican e Canadês e smercje coca-cola di contrabant. A chel punt mi ven di domandâmi se o sin dome no' merecans che o vin di sorbisi bevandis zucaradis cul HFCS.

O soi ancjemò vîf

2010-02-09T15:34:00.000-08:00

Si no soi sparit o "dropped from the face of the earth". Tra lavôr e scuele e altri robis in tai ultins dodis mes no ai vût tant timp par tignì' al blog corent o tignimi in contat cui altris furlans sparnicias ator pal mont. Mi scusi cun dute le int che mi a mandat e-mail e no ai rispuindut.
O sarai plui braf di cumo' in denant.
Par cui cal ves un cont su Facebook, che mi lassedi un contat in tai coments che lu zonti in te me liste.
Chi sot a segui' qualchi foto de nef-apocalisse che o vin vut in Maryland in te ultime setemane. ( passe miez metro di nef e in qualchi bande un metro ).

Le cassete de pueste dopo jessi stade scavade fur de nef:

Dopo 24 oris di lavôr di pacare le strade e je cussì:

Un documentari su le crisi economiche.

2009-02-18T12:02:00.000-08:00

Par capi' miôr cemût cheste "crisi" si e' svilupade, PBS ( Le television publiche merecane ) iar di sere e a trasmitut chest "documentari" . Al e' un filmat di un' ore, e par cui cal a voie di savè i parcè' e cemût de crisi e je une buine ocasion par capi' di plui.

Un pacifist particolâr

2009-02-15T23:17:00.001-08:00

Cheste setemane un merecan une vore special al e' le pasât a miôr vite.
Ed Grothus rivât ale conclusion che ancje une sole bombe e jere une in plui, in tai agns '60 si' e dimetût de so posizion di tecnic militâr e al e' deventât un pacifist e ativist politic . Le so buteghe/museo "The Black Hole " in New Mexico ( che restarà viert al public ) e son un dai puescj su le me liste di visità.
Chi sot un filmât su le so buteghe " The black Hole ".

Le recession in Americhe

2009-02-09T14:09:00.000-08:00

No in tancj in te blogosfere furlane e an scrit ultimementri de epoche co sten vivent. No stai tabaiant dal gnûf president merecan o de politiche ma a le svolte economiche dai ultims doi agns.

Chi in Americhe o sin za di plui di un an in crisi economiche. Al gjornâl al semee a un boletin di vuere, mil puescj taiàs la, dîs mil dilà. Se no sin ai livei di miserie dal '29 al e' dome parceche i politicants no son rivâts a disfà' dal dut al sisteme previdenziâl in tai ultims trente agns. No passe zornade che o sint di amis e di int che a pierdût al lavôr par vie di " ristruturazions" e altri eufemisims.Mi sta' deventant simpri plui facil contà' le int co cognòs che un lavôr lu a ancjemò'.. Ma come se nol fos avonde cumò' intiaris fameis e cjapin decision tragjichis. Ce che mi disturbe di plui e je le nozion che cui co sin, al nestri destin al e' leât a une cariere o a un "status" in te societât. Cui sino deventâts come societât ?
Al merecan come al furlan al a une imagjine di se stes come "salt, onest e lavoradôr".
Nie di mal cun chest, ma se al lavôr nol esist ?
Ale fin dal conts mi sa co restarin dome "salts e onescj e puars in cane"
.....spiritualmentri si capis.

Maryland, e pene di muart

2009-01-16T07:05:00.000-08:00

Vuê' o ai une reson in plui par jessi orgoiôs di vivi in Maryland.
Al governator dal me stat al a apene proponude le lec pe abolizion de pene di muart in tal stat.

Bon principi e bon Pignarûl !

2009-01-05T20:43:00.000-08:00

P.S. Foto cjatade chi.

Un president presidenziâl

2008-11-07T04:03:00.000-08:00

Mertàs di sere al gnûf president dai Stâts Unîts al e' stat anunciât. A scuele come a vore e jerin ducj une vorone contents.

File fur des "votazions"

2008-11-04T06:05:00.000-08:00

Cheste e jere le file fûr de scuele le che si vote vuê di matine alis siet e mieze. Mi e' volût un ore e mieze par rivà' fin in somp, dal moment che le file e continuave dentri.
E valeve le pene.

P.S. Tant co spietavi o soi stat ancje intervistât da une radio locâl.

Vue' mi cjatarai denant a chestis sieltis

2008-11-03T17:41:00.001-08:00

Simpri sperant che al computer nol decidedi di voltà al me vot par chel altri candidât ....

Al guviêr merecan al ricognòs al Furlan come lenghe.

2008-11-02T17:04:00.000-08:00

Le imagjine chi parsore e ven dal sît che al guviêr Federâl merecan al manten par cui cal a voie
di ciri' un lavôr in tai dipartiments federai ( ministeris ). Tant co jemplavi al formulari che al compon al me profîl / curriculum tra le lenghis tabaiadis in te liste di sielzi al jere propit ancje al Furlan.

Interessant.

Timp di elezions

2008-10-21T07:23:00.000-07:00

Timp indaûr Matieu al veve fat une domande interessante, "Cemût votaressino i Furlans su le elezions Merecanis ? ". Matieu al jere convint che McCain al varês vinzut in Friûl . E je une domande interessante soredut dal moment che le maiorance dai Furlans no cognòs les realtâts merecanis, e soredut " le diversitat " come che le concepin in Americhe in Italie in gjenerâl ancjemò no esist.

McCain al e' stat un politic cal a gjoldût ( fin a l'an passât ) di une popolaritât che leve oltri al so partît, anzit al semeave che no pocs in tal so partit e pensavin che nol fos un republican dûr e pûr. Le so politiche in "ciertis" materis e je stade di un progresism che al e' vonde râr in Italie. O dubiti che al governi di vuê in Italie al cjapedi in considerazion une lec simile ale so' in materie di immigrazion o a posizion come le torture. Ma dut al e cambiât une volte cal a decidût di candidasi. Un poc ale volte al a rineât le sôs politichis che lu vevin rindût "candidabil" in maniere di ve' les simpatiis de base politiche dai puriscj dal so partît.
Ma no dome, se in tancj e pensin che al probleme de Americhe e sedi dome le vuere si sbalin. Al probleme al e' che le posizion che a chest pont e son restadis ai republicans e fasin aghe di dutis lis bandis. Le politichis di liberalizazion des bancjis che in tancj e an votât in favôr in tai ultins 30 agns e an dimostrât le lôr conseguencis in chestis setemanis. Le voie che i republicans e an di tignî' al setôr sanitari in te mans des assicurazions cun cal coste passe $ 10.000 al an assigurasi par viis privadis, e cjate simpri mancul adesions . Le sielte di Palin come candidade a Vice e a lassât in tancj malsigûrs sul "sintiment" di McCain. Al e' une vore ironic che considerant al slogan eletorâl dai republicans "Country First" e son za une vore di dubis sul "patriotism" de governatrice, e le etiche de siore e je za in discussion.
Come co vevi za scrit in tun coment, bisugne sta une vorone atents a fa paralelis tra le politiche Taliane/Furlane e che merecane. Par esempli al parlamentâr e ex candidât alis primaris Dennis Kucinich al a simpri vût politichis ( previdence social , dirits civîi , politiche estere ) une vore progressistis ma al a vût dificoltâts cu le base dal so partît cun che si trate de cuestion dal abort.

E esistin i Blue dog Democrats, che son un tic plui conservadôrs dai lôr colegàs di partît e agns indaûr ( cumò' estints par vie di politichis di partît ) e esistevin i Rockefeller Repubblicans che jerin tant plui progressiscj su lis politichis social de base. In tal senât o vin ancje un senatôr che no le' ne Democratic ne Republican ma che come si descrîf lui al e' socialist, Bernie Sanders dal stat dal Vermont.
Al e' dificil spiegà ce cal sucêt vuê in Americhe cence ve' presint le evoluzion politiche che je tacade cul New Deal passant pe "Great society" di Lyndon B. Johnson e le Southern Strategy di Nixon par finî cu lis politichis di Reagan che an definît le Americhe dai ultins 30 agns, e plui di cualchidun al dis le situazion economiche in cui si ciatin in chescj dis. In pocis peraulis par capi' al contest de politiche merecane bisugne capi' le sôs radis, e in tune societât in continue evoluzion chest e devente une imprese no di poc.

Scusait le assence.

2008-10-18T18:05:00.000-07:00

Par vie di lavôr e altri impegnis, no soi rivât a scrivi un post in tes ultimis setemanis e les elezions presidenziâl e local mi an puartat vie al rest dal timp che di soliti o dedichi a lei blogs furlans.
O stoi lavorant su un dai posts su les elezions presidenzials e sui candidats. In curt e varessin di jessi pronts. Se o ves domandis, coments o altri co volaressis save' su les elezions chi in Americhe o podes scrivi in tai coments.

Pre Zaneto - Poesis furlanis

2008-09-05T01:45:00.000-07:00

Ator pe viis dal comun di Pavie e je ancjemò vive le memorie di Pre Zaneto, plevan di Percut dal 1911 al 1947. Nassût al 17 di gjenar 1872 a Porpet al jere un predi, poete e une istituzion locâl. Vôs libare tant che in tai agns '30 cuant che al Prefet dal timp i a dite di no scrivi par Furlan, par dispiet le sôs contis su le Vite Catoliche e son saltadis fûr in tun Talian che come si use di' al jere " Taliato col filo di fiaro" .

Le so ironie no a mai sparagnât nissun, tant che si e' contat in chestis peraulis :

"Bocje e je masse largje - e i dinc' son rârs,
e su lis gramulis - e scampanotin
tre quatri crepis - di maselars,
che mi foropin - di spes la lenghe
o ben mi lassin - sbrissà la pipe,
che mi brusine - che m'incinise
dute la vieste - denant la tripe...
... Barbe seade - e sot la barbe
la papagorgie - a pendolon..
.. orele dure , cope massizze ,
ongule lungje, - orlade a neri..
... cjapiel in bande,
tonie scussade, culi' sul stomi - cence botons ;
pedane a sbrendul - bragons a cjalzis
che van a armoniche ju sui talons...
ma in ogni mud
no je la tonie - che fas il frari;
che la l'e' propri - Zaneto...arûd"
("Il gno ritrat", 1927)

Cun co jeri in patrie in Avrîl o ai cjatât un so vecjo librut di poesiis, chi sot le version PDF:

re edit pre zaneto - Upload a Document to Scribd

Par plui informazions o consei al libri :
"Pavie , Il comune e la sua storia"
2006, Societât Filologjiche Furlane
Pagjinis 232-238

Bancjis Talianis

2008-08-14T09:22:00.001-07:00

Se o ves becs in tun "cont corent" talian che no ves tocjât par plui di 10 agns dal 16 di Avost i becs in depuesit e vignaran dâts alis "vitimis" dai crac finanziaris. Personalmentri no le viôt come une robe juste dal moment che les gnovis "vitimis" di cheste pensade e saran "fruts" e int che je migrante in tal forest e che an vecjos conts in Italie.

Ma no dut al e' pierdût, come che nus conte al Corriere.

Cun che si dîs porcariis

2008-07-28T16:08:00.000-07:00

Un video, par tirâsi un poc su di morâl. Notait le bare scorrevule cu les notiziis in timp reâl :-)

Imigrats e marilenghe

2008-07-26T19:54:00.000-07:00

Tabaiant cun int che je migrade di poc in Friûl e leint ator par "Forums" e blogs o leievi dai problemis e des tematichis che i migràs che vegnin li' e an di frontà. Se le maiorance

dai problemis burocratics e an plui a ce viodi cu le bariere lenghistiche e de derivade ignorance dai procediments legâi. Le me impression e je che le mancjade integrazion in te societât e a plui a ce viodi cun tun mancjât svilup di relazions interpersonâls cun int dal puest.
Ducj e san plui o mancul tabaiâ par talian, ancje se no in te maniere plui corete o elegante, ma in tancj si rindin cont che tante int par educazion e tabaie cun lôr(forescj) simpri e dome par Talian e cun amis e le famee in tune altre lenghe che ancje se voressin impara nissun no i vûl tabaià , come ancje al contave Luche timp indaûr e Janez al a confermât in tai coments.

Par esempli cun co tabai par Talian no sint le peraulis co usi dongje de me esperience, par esempli se o dîs "Une forme di formadi" mi ven a iniment al so profum e savôr. Ma se o dis " Una forma di formaggio" no ai le stesse esperience, un forest al rive a sinti chest distac emotif tra les dos lenghis e chest distac si sint in te relazions tra le int dal puest e i gnus migrants.

Al "Google News" Furlan

2008-07-25T10:35:00.001-07:00

Google e je une vore lente a ricognossi al furlan come lenghe, par cui a spieta une version ufficial di "Google News" o vin sorte. Ma Dree al a viert un agregadôr dai blogs furlans. ( e son za polemichis su cheste gnove peraule ).
Ben cumò' no nus reste dome di fondà une clape/ lobby dai bagarins furlans.

Firefox 3 par Furlan

2008-07-25T09:23:00.000-07:00

Robert e Klenje e an prontât e finît al language pack pal Firefox 3 e cumò al e disponibil diretametri sul sito ufficial dal Firefox. Grazionis a ducj doi!

Al torne Dree !

2008-07-03T14:35:00.000-07:00

Dree al a tornât a vierzi al blog.... no, no IlFurlanist ma chel dal Friuli Doc scrit par Talian ma ancje par Furlan le co podês cjatà sie i Gnognosaurs che le gnove rubricute di Ninine.

Curiositâts

2008-06-27T14:28:00.000-07:00

Sgarfant su Vichipedie o ai cjatât alc di interessant, cjalant in bas a diestre in te pagjine di tancj utents furlans le che elenchin le lenghis che tabain si cjate le note " Frico - Chest utent al e stat tirât su a polente e Frico ". Come che si pues viodi in cheste pagjine chi dal utent Tocaibon.

Caratars Distintîfs

2008-06-21T23:46:00.000-07:00

Al blog "Caratars Distintîfs" al e tornât in vore dopo cualchi mes di pause cun contignûts une vore interessants. Ben tornât !

Becs par di bant

2008-06-20T10:05:00.000-07:00

Se al fos in centri a Udin un omp in vie Aquilee cun tun cartel che al dîs " Se mi domandais 5 euros jus i doi " trope int pensaiso che si fermarês ?

Ben, sul imprin o pensi che in tal zîr di pocs minûts cheste gjenerositât i costarês cualchi centenâr di Euros.
In tun esperiment fat in Inghiltere , le che e an ufiert 5 sterlinis a cui cal pasave pe strade, une vore di pocje int e a aprofitât.
Daûr des analisis che e e son stadis fatis in base a etât e altris fatôrs, al semee che i zovins e jerin plui pronts a acetâ le ufierte che i plui anzians i oms plui des feminis e vie indenant...
Al sarês interessant viodi al stes esperiment in Friûl....

12 di Zuin

2008-06-13T17:58:00.000-07:00

Iar chi in Americhe e jere une zornade special, al colave l' aniversari di une decision de Cort Supreme merecane che a legalizât un dirit fondamentâl.

Lavors di cjase

2008-06-10T10:55:00.001-07:00

O ai simpri crodût che lavà i vistis, fa' di mangjâ e in pocjis peraulis i lavôrs di cjase e fos une robe normâl par un adult cal sedi omp o femine... dal moment che in pocs e puedin permetisi di ve' le masarie par cjase. Cun co sint int di' che i Talians e an ducj le "Mamite" e che ducj i oms Talians e an le mari o le femine che ur lave/stire e fas di mangjâ , cun gracie o rispuint che no je vere, e che je dome cualchi ecezion. Ma dopo, in tun articul cal tabaie di une gnove lavatrice rivoluzionarie o lei chest :

E o resti cence peraulis.

Le serie complete "Diaris di viaç"

2008-06-05T15:15:00.001-07:00

Segnalazions segnalazions, dal moment che "Il Furlanist" al e' in ferîs, nus tocje un poc a ducj no blogarins minôrs spandi le vôs su ce cal sucêt in te blogosfere furlanofone .

Ben o soi une vore content, co ai apene scuviert che le serie complete di " Diaris di viaç " ( Belgjo, Argjentine, Canada e Sud Afriche ) cumò' si pues viodi on-line sul blog di Luca Peresson "Finch".

Radis e morârs gjenealogics

2008-06-04T11:38:00.001-07:00

Lant daûr de segnalazion di Archeofurlane, o soi finût sul gnûf sît dal archivi di Stat di Udin le che an mitude a disposizion le lôr bancje dâts vie internet. Al e' un puest une vore complet, e par che co soi rivât a cjatà al a informazions che van fin ale metât dal 1800. Se o voles save' alc di plui su cui che i vuestris antenats e jerin, cence la ator pal Friûl par canonichis e comuns al e' un biel puest dulà' scomencia'.

Par esempli cumò o sai al colôr di cjavei e le altece dal me tris-nono e al non di so mari....

Storie Furlane

2008-06-03T12:00:00.000-07:00

Come cal IlFurlanist al va' in ferîs par un cuatri mes, un gnûf blog al nas "Storie Furlane" un blog scrit par furlan su le storie de nestre Patrie. Une creazion di Sandri Carrozzo.

Migrants Furlans II, al non dal puest.

2008-05-20T14:28:00.000-07:00

Come nie, e scuasit in contemporanee Christian e Done Bete mi an dade une rispueste.

Christian Romanini, che mi a spiât :

" cheste foto tu le âs fate denant dal Municipi di Trep Grant. La statue e je stade fate di Franco Maschio che le à dedicade ai migrants.

Il comun di Trep, tai ultins agns al à fat une vore di iniziativis a pro de emigrazion e cheste e je tra chês iniziativis

Il sît dal comun di trep:
Il sît di Franco Maschio (che al è di Maian, il gno comun)
Ve chi la statue che tu âs fotografât ancje tu
Chest il sît personâl al sindic di Trep"

E Done Bete mi a ancje dât chest link le che si pues lei ducj i particolârs su cheste opare.

Grazionis a Christian e Done Bete !

Une aziende agricule dute particolâr

2008-05-19T12:55:00.000-07:00

Vuê Kevin al a fat un post su un argoment che mi cjate dal dut in sintonie, forsit par vie co soi Furlan o parcè co soi Perît Agrari.

In tai ultins agns, par no di' mes, al cost de verdure e dal mangjà chi in Americhe al e' lat su', le economie e je clope e le dipendence co vin al sisteme di distribuzion nus lasse ducj vulnerabii al presit dal carburant cal cres ogni di'. Al risultât al e' che ducj e stan passant cheste recession cu le ansie che pierdût al puest di lavôr e varan di decidi tra al paiâ le bolete de lus o la fa le spese.
A dut chest e esist une soluzion. E sta devant dai voi di ducj , anzit fûr de puarte: fa' l' ort come une volte. (O sai che tancj in Friûl lu fasin , ancje se te me ultime visite tancj orts e son stâts dâts vie par fa puest a gnovis cjasis....)
Une famee che vîf a Pasadena (Californie) e a convertît cualchi an indaûr al prât denant de lôr cjase in tun ort cal da di mangjâ a une famee di 4 personis. Nol sarês nie di straordenari se nol fos che le lôr "aziende agricule" no fos di 1/5 di un acre ( 809 Metris Cuadrâts ) e che al redit de imprese al e di $ 30.000/an, e che i panei solârs sul tet ur permetin indipendence de ret eletriche e al carburant pe machine "bio disel" nol e atri che vueli dai ristorants de zone e lu pain $1 al galon. E dut chest in tal mieç di une grande citât, in tun zardin cal e' une frazion di ce che tancj Furlans e son usâts a ve ator de lôr cjasis.
Cumò jo no dîs che ducj e fasedin cussì, ma cun co viôt ciertis distesis di arbe tra al marcjepît e le puarte di cjase no fas di mancul che pensà a trops cuintâi di blave che si podaressin cressi , invezit di lassà cussì tante tiere pustote. ;-)
Cheste famee Californiane e a dimostrât cemût che si pues planc planc trasformâ une cjasute tal mieç de citât e un stîl di vite a prove di recession e soredut cemût che si pues cun un pôc di creativitât declarâ indipendence da lis incertecis che saurissin le vite di vuê.

Però' ancje Kevin nol scherz e...

Migrants Furlans

2008-05-13T09:50:00.000-07:00

O ai cjatade cheste statue denant di un municipi Furlan ( no mi visi al non dal Pais ) , al e' un monument dedicât a ducj i Furlans che son lats ator pal mont.

A voltis si torne....

2008-05-08T10:14:00.000-07:00

Al sucêt che dopo agns ator pal mont si torne in Patrie par plui di cualchi zornade.
A di al vêr e servin simpri un doi dîs par abituasi alis stradis e machinis che zirin ator pal Friûl, tant che tal imprin ancje le circonvalazion di Washington e semeave tant plui guidabile che "al viâl di Palme".... ( ducj e guidin cussì di corse ta chestis stradis cussì strentis ).
Stant plui di cualchi zornade si a al timp par cjalâsi ator, fasi une opinion dai puescj che dome cualchi an indaûr e jerin le me Patrie e le me cjase.

O ai vût mut di cjacarâ par Furlan une vore e lu fasevi di ogni bande, ancje se mi rispuindevin par talian.... o continuavi a tabaiâ in marilenghe e o ai scuviert che tante int che tache a tabaia par talian e a gust di fevelâ in marilenghe se tu insistis.... provait.

In ogni mut le domande che mi vignive fate plui spes e jere " Cemût cjatistu al Friûl, simpri compagn ? "

Le rispueste e je....no. Le ultime volte co jeri di chestis bandis al e' stat par un par di dîs un trê agns indaûr e le ultime volte co soi stat ator pal Friûl sul serio al jere al 2000 e le valude e jere le Lire.
Tantis robis e son gambiadis. In tai ultins vot agns e an fat su' e butât ju centris comerciai e cjasis, le fisionomie de periferie esterne di Udin e je gambiade. E semee che vedin costruît le infrastruture comerciâl par une citât di un milion di abitants cuant che Udin stes al a mancul abitants de contee di periferie le co soi a sta' jo ma dome cun tantis ma tantis plui buteghis.
Cjasis bielis, a di al vêr, par fortune les cjasis di cumò' e son fatis su' cun plui bon gust che chel che si faseve su' in tai agns 50 e 60. Ma forsit e son un poc plui che no a ce che i serf a une regjon che no mi par e sedi dongje di un "boom" demografic... almancul che i Furlans dal Friûl e san alc che jo no sai. Al vora' forsit di' che un di' dut chest al sarâ vendût a bon presit....
Al sarês tant atri di contà' ma par vuê mi fermi chi'.

Une robe no je cambiade, lis montagnis furlanis e son simpri li' come lis vevi lassadis e come che mes visavi.

33 seconds di Friûl

2008-05-07T12:13:00.000-07:00

In Friul at last...

2008-04-28T05:53:00.001-07:00

Curiositâts fiscâl

2008-04-16T11:43:00.000-07:00

Iar al jere al 15 di Avrîl, ( le date di scjadence pe declarazion Federâl dai redits) , cussì a 10 e mieze di sere mi soi cjatât in file in pueste ( si' les puestis in cheste zornade special e son viertis fin a mieze gnot ). Le file e jere lungje e mi soi mitût a pensà' a cemût che consegnin le lôr declarazion e paiament i abitants di "Piçule Diomede" une piçule isule merecane tra le Alaske e le Russie.
O ves di capi' che i Inuit che vivin in cheste isule e son i unics in tai Stas Unîs che puedin paiâ le lôr tassis cui prodots dal lôr lavôr in pocis peraulis invezit che dolars e pain in avorio, par vie de cjace di sussistence presint su le isulis e des tradizions locâl.

Al sarês propite interessant savè cemût che al guviêr al calcole le "penalitâts e multis " in cas di evasions fiscâl.....

Buine Fieste !

2008-04-03T06:34:00.001-07:00

O segnali al post a rivuart cal a scrit Kevin vuê' in onôr de fieste pe nestre patrie.

Dople citadinance o dople identitât ?

2008-03-17T11:42:00.000-07:00

Un discors interessant al jere nassût cualchi setemane indaûr, sul blog "Su pes Gjermaniis" su le cuestion de naturalizazion/citadinanze e identitat in jenfri alis comunitât di migrants.

Cui cal a vivût in tal forest par plui di cualchi an, al sa che dopo i prin timps le novitât di jessi lontans di cjase si smamîs. Si scuvierzin oportunitâts e realtâts e cul timp si tache simpri di plui a identificasi cu le int dal puest e cu le culture locâl.

Si va dal " o soi in X " a " o vîf in X ", si devente part de comunitât, si scuvierzin le storie e le politiche dal puest, si tache a cjapà su' i guscj e les abitudinis. Cul timp par tante int e devente scuasit une ofese jessi considerâts "Forescj".Al da fastidi jessi viodûts fûr dal circul jessi escludûts. Al stes timp al fas plasè sintisi di' " tu ses un di no'" , capi' al spirit de int locâl, capi' al sens daûr le ironie di ciertis comedis , maraveâsi e rabiasi cun i politics dal puest. Timp indaûr o soi stat a une riunion di lavôr le che je scuasit sclopade une mieze rivoluzion cuant che le siore des "risorsis umanis" tabaiant di imigrazion si e' riferide a dai mei colegas naturalizas come "non nationals", le rispueste e je stade un rabiôs " o sin merecans, di spirit e di documents".
Chest nol vûl di' che al citadin naturalizat al dinee le sôs radis, dopo agns di tribulazions e sodisfazions al vûl ve un so puest te comunitât dal puest. Par tante int chest rapuart cu le patrie adotive al e' ispirât a un sens civic par altris e je une maniere di tutelasi dal moment che in tai moments di crisis al no-citadin al semee jessi simpri chel cal al vût le piês in dirits civîls.
Par tancj in cheste situazion, ale domande su cuale patrie e preferissin si cjatin in te stesse situazion di un frut a cui si domande " se al vûl plui ben ale mame o al papâ ", no si pues rispuindi cence sintisi in colpe di no vele contade juste.

A rivuart o vevi scrit timp indaûr in chest post

Maryland, montagnis culinis o pianure ?

2008-03-15T19:08:00.000-07:00

Montagnis

2008-03-05T13:31:00.000-08:00

Cualchi zornade indaûr Il Crot al a scrit su lis montagnis e al lôr puest in te vite dai Furlans. Par un cal vîf in Friûl, lis montagnis e son une costante, lis montagnis e son li' simpri lis stessis dal Asilo sin a le pension.

Par cui cal va' pal mont dopo une infanzie/adolescenze Furlane, al ven a mancjà chel riferiment...
Le co vîf in tal stat dal Maryland, a soreli a mont e passin lis " Appalachian Mountains". No propite Alps come chês dal Friûl ma simpri montagnis che an viodût in tai ultins secui nassi une culture e une identitât popolâr che cjape dentri diviers stâts. Le posizion gjeografiche e l' ostacul fisic de montagnis e an simpri isolât cheste regjon dal rest dal pais, mantignint cussì une identitât dute so'. Sigûr, par tante int "urbane" cun che si sint nomenà " Appalachia." sal va ben al ven iniment le scene dai "Dueling Banjos" dal film " Deliverance", ma al e' tant di plui. Al e' un puest che fin a pocs agns indaûr al viodeve rivà int di dut al mont par vie de minieris di cjarbon e cal a dât ispirazions a le musiche Blue grass.
No dome ma je cjase dal "Appalachian Trail" un troi cal travierse dute le cjadene da nord a sud par ben 3.200 Km passant par regjons e valadis che ancjemò no an viodût oparis umanis.

Buse dai Veris, Friûl

2008-02-28T15:11:00.000-08:00

Di tant in tant o voi su Google Maps o Google Earth, par rinfrescjami le memorie su le gjeografie Furlane. Al e' propite biel viodi che fisionomie dai puescj co cognosevi no semee jessi cambiade. Ma di tant e intant o scuviarc ancje che cierts puescj co cedevi che come "Marco Caco" e fasessin part de mitologje Furlane, e esistin pardabon.

Buse dai Veris par esempli.

View Larger Map

Vonde so maestât,

2008-02-25T08:24:00.000-08:00

Nol capite tant spes di viodi atôrs o int famose che cjape a cûr les cuestions des minorancis lenghistichis o storichis.
Sean Connery al e' un personaç za cognosut pe sôs posizions su le cuestion Scozese. O vevi let l' an passât une letare cal veve scrit al "Washington post" sul progrès politic in Scozie, e ancje li' nol veve platât lis sôs posizions a rivuart.

Al e di timp cal vîf in tes isulis Bahamas e cheste volte al a prometût cal tornarà te so patrie Scozie in curt une volte che cheste tiere e sarà indipendente, secont lui al sucedarà in curt.

On Live ?

2008-02-21T19:29:00.000-08:00

Chi in Americhe cumò e son dîs e mieze di sere, ma in Italie e son les cuatri e mieze di matine cussì al "Coriere de Sere" al a tirât ju al sît par manutenzion, cjalait in te pagjine ce messagjo cal salte fûr:

Onlive ??? Cheste mi e' gnove. A chest punt no erial miôr inventà' un neologjisim par Talian ?

Benvignût tra lis nazions

2008-02-18T06:26:00.000-08:00

Servicis in marilenghe

2008-02-14T14:11:00.001-08:00

Di solit cun co voi in tun sît internet o voi a viodi simpri in ce lenghis cal e disponibil. O resti simpri maraveât in tal scuvierzi che esistin feveladis che son cognossudis da pocs miârs di personis che an une discrete presince su le ret. Google al e' stat tradusût, dal Gales al dialet di Elmer Fudd al prin tabaiât di tante int che al Furlan e al secont fevelât dome di un personaç dai cartons dai "Looney Tunes".

Al ven di domandâsi a chest pont ce che si pues fa' pe nestre marilenghe? O capis che tante int no a voie di vierzi blogs par vie des rasons che son stadis metudis a lus in chest "State of the Blogarins" sul Ilfurlanist. Ma esistin ancje tantis atris oportunitâts, par cui cal sa' scrivi in marilenghe ma no si sint di scrivi in tun Blog o su un forum public.
Si pues da' une man su Google, a tradusi al sît e i soi servizis par Furlan, e lant in ta chest link . ( O ai controlât e al semee che nissun al sta' lavorant su une version par Furlan...cui vuelial da une man ? )

Dopo e son ducj i servizis Wiki le cal esist une vore di spaci pe marilenghe, par esempli al semee che no esistedi une version Furlane di Wikitravel e Wikinews o le Wikiversity.

Cuale patrie ?

2008-02-11T17:27:00.001-08:00

Tipiche situazion di tancj migrants e je che di jessi nassûts e cressûts di une bande e jessi deventâts adults di un' altre. E je une esperience che almancul no tu le vedis vivude in persone e je dificile di capi'. Cun che tu vivis di une bande di mont par agns, tu scugnis jentrâ in sintonie cul mont le che tu vivis, tornà indaûr in te tiere le che tu ses nassût ancje par un doi dîs al e' simpri dificil. Le memorie e je seletive, e ten cont simpri di dut ce cal e biel e di cemût cal jere cun che tu jeris li' le ultime volte,cun che tu ti insumiis de vecje patrie ducj e son ancjemò' cemût che tu tai visis, zovins, vîfs, contents.....
Tu ti smenteis tantis robis, di cemût che le int e je e su cemût che pense e dal moment che tu ti ses riprogramat par vivi in tun atri pais tu ti sintis un poc forest e "pes fûr de aghe". Mi visi timp indaûr une siore Danese mi a contat che a 20 agns e e je lade a vivi in France par passe 20 agns, cun che je tornade in Danimarche scuasit cuarante no dome si jere abituade a pensà come Francese ma al so Danês al jere un tic masse adolessencial par une siore adulte.
Bill Bryson, al a scrit un libri a mieze strade tra l' umoristic e le bruntulade su le so esperience di re-migrant in Americhe dopo vincj agns in Inghiltere.
Chi al link sul libri.

Doman si vote !

2008-02-11T09:27:00.000-08:00

Stat dopo stat, ducj e an vût al lôr di', di solit al Maryland al e' simpri rivât cussì tart dopo al "Super Tuesday" che nissun candidât al bassilave vie pe primaris a vignì' di chestis bandis a domandà' vots dal moment che di solit i zucs e jerin fats. In chescj dîs ducj si stan interessant di noaltris, su cemût che o podaressin votà, su lis tendencis demografichis e politichis. Dute cheste atenzion viers al me stat e je simpri benvignude. Diviersis voltis cjalantmi in atris stâts mi e' capitât di di' co vîf in Maryland e invariabilmentri le reazion e je stade dal " Aah al Maryland... si interessant " .... " isal dongje dal Arkansas ?

No sai cemût che laran les primaris doman, ma finalmentri almancul al Md al a vût un so puest in tal decidi cui che saran i candidâts alis elezions di Novembre.

Cuarantevot agns indaûr

2008-02-02T08:26:00.000-08:00

Al mont al cambie e al cambie di corse. Baste cjalà a cualchi an indaûr e in confront al mont le che o vivin cumò al e' maraveôs. A voltis si sint di' che si steve miôr une volte, che dut al jere plui inocent e pûr. Ise propite vere ? Sigûr se si va' indaûr tai agns, ducj si jere plui zovins (Jo o jeri frut dome te decade passade).

Ma nol ocor la' te gnot de storie par cjatà esemplis di vite cuotidiane che vain discriminazions e che mostrin le tristerie de anime umane. No jerin ecezions e jere le normalitât e jerin lecs, regolaments, statûts e normis social dal vecjo sud dai S.U.
Ma al mont al e cambiât, le regulis che semeavin scritis in te piere e son sparidis, lis autoritâts e an scugnût cambiâ idee.
Cumò cincuante agns dopo al semee ancje masse facil da' par scontât su trop facil cal sarês stat protestâ' cuintri al sisteme e cambialu. Lant al Smithsonian Museum of American History , si pues viodi in esposizion al banc e i sgabei le che cheste rivoluzion e je tacade. (in bande le foto)
Invecit fracait chi par sinti' le storie di persone, dal zovin che in che volte al a fat al prin pas viers une societât difarente. Al merte une vore di scoltà' le interviste regjistrade.

Trolls e atris besteatis

2008-01-28T21:32:00.000-08:00

Leint i coments lassàs su blogs, newsgroups a voltis al ven propite di avilîsi . Cusi tante negativitât e depression ma soredut porcariis e tantis ofesis gratuitis. Su YouTube l' an passât prime che cambiedin al sisteme dai coments chest al jere un probleme avonde grues, tant che in tancj no metevin su gnûf videoblogs propite par pôre di vignî insultâts da ordis di troll.

Chest chi sot al e' dedicât a dutis che animis piis che su internet e tegnin blogs, videoblogs e che scugnin sopuartà trolls di dutis lis formis e misuris.

Un vecjo YouTube video, ma simpri valit tal so spirit dopo dut bisugne capiu.
(No ai podût inseri al video in te pagjine o scugnis fracà sul link )

Turiscj

2008-01-25T16:09:00.000-08:00

Di solit cun co visiti une citât o pais gnûf mi plâs la te buteghis e borcs le che le int dal puest e vîf. Tantis voltis, o rivi a platà ale int dal puest les mes origjins Furlan/Merecanis. . Se no rivi propite a platà le me origjins o cîr simpri di lassâ une buine impression. Vivent dongje Washington Dc mi capite spes di viodi un vore di turiscj.

Domestics o forescj tu ju ricognossis subite, buste su le spalis, machine fotografiche guidis turistichis, e vogladis insistentis a dut ce cal semee stranît o esotic, tipo le int mieze indurmidide che a 7 di matine su le metro e va a vore in ufici invecit che a viodi al Smithsonian o le Cjase Blancje. E propit par chest ultin compuartament plui di une volte o ai sintût cualchi coleghe che al vorès volût pacâ a sanc chescj turiscj cusi maleducâts . Ma no si ferme li' , coments a vôs alte negatîfs sul puest e su le int dal puest no son rârs . Mi e' capitât di sinti' doi turiscj Talians berghelà volgaritâts ale int che pasave, int che bruntulave sul cost ($70) e cualitât di un plat di spaghets di un Hotel Washingtonian a cuatri stelis e atris robis che no tu sâs se ridi o vai cun che tu les sintis. Chest tipo di compuartament no la citadinance, di solit i merecans che si compuartin mal tal forest in Americhe ju clamin "Merecans Bruts " , les nazionalitâts europeanis e an le lôr reputazions, come che si conte ancje in chest articul.

Chi sot invecit, un turist merecan une vore educât e judiziôs

Primis primaris

2008-01-13T22:01:00.000-08:00

Mi e' stat domandât di fa' un post su lis primaris Presidenziâl chi in Americhe. I prins doi stâts e an za nomenât lis lôr preferencis. E pal moment al semee che si sedin fats strade almancul doi candidâts par partît tra al grop iniziâl di candidâts. Fin cumò chest procès al ven seguît cun interès, e ancje cui che al a definidis identitâts politichis al a un favorît tra i candidâts dal so partît. Al e' simpri tipic de primaris che cui cal semeave favorît a vinci le candidature dal so' partît al mes prime al devente secondari in tal zîr di setemanis. Stravolziments e taramots e vegnin smovûts da pocs miârs di vôts cjapâts in stâts che di solit si sint nomenâ' une volte ogni cuatri agns. E je democrazie pure, se tu vivis in Iowa o in New Hampshire tu as cûr di viodi e tabaià' di persone cul futûr president almancul une volte vie pe stagjon eletorâl.Dopo dut, les primaris e son un zuc di resistence e di abilitâts oratoris , e puartin a lus les capacitâts di un candidât di jessi clâr e lucit dopo oris di comizis, riunions e visitis puarte a puarte.

Cui sono i candidâts e ce vuelial di' le lôr candidature ?

Chest al dipent une vorone dai ponts di viste politics e de concezion no dome ideologjiche ma di ce che le Americhe e je e varês di jessi. Cui Democratics tu as Obama e Clinton e al tierç puest Edwards. Al prin un zovin senadôr dal Illinois, carismatic e idealist, cal viôt le unitât e cambiament come cure pai esauriments de Americhe di vuê, le seconde e evoche i agns '90 dal so om che an viodût relative trancuilitât e une economie che cresseve e al tierç si ispire di plui a une politiche domestiche orientade sul le eliminazion de povertat scuasit di ispirazion Kenediane . Cui Republicans tu as McCain, Huckabee e Romney, al prin senadôr navigât, veteran e ex prisonir di vuere, moderât su cierts argoments e conservadôrs su atris, al secont ex governadôr e pastôr Batist e une vorone popolâr tra i evangjelics di estrazion republicane e al tierç ex governadôr dal Massachuset e l'om daûr des olimpiadis di Salt Lake .

Une sorprese ma secont me no tant, al e' che tes elezions dal Iowa plui di prime si son viodûts tancj zovins eletôrs che fin cumò' tal procès democratic e vignivin definîts come slackers. Dopo dut no podin migo lassà ai plui anzians che decidedin ce cal sucedarà al nestri Social Security o ambient...ma su chest o vevi za scrit un doi mes indaûr.

Tabaiadis e saludadis

2008-01-07T13:44:00.001-08:00

Ogni tant mi capite di tabaiâ cun int foreste in visite in Americhe e mi disin su trop cortês e zentîi ducj e son. Cemût che tes buteghis e fûr pes stradis dai borcs residenziâi al capite di jessi saludâts da int che nancje tu cognossis, dal autist dal autobus come che dal omp cal cjape su les scovacis. Dut un " Cemût statu", " Bon di'", "Buine sere" "Tenti cont" etc etc..
E je une forme di cortesie standard, nie plui nie mancul, no sucêt pardut come tes areis urbanis, ma al capite di plui in te suburbie e in tai borcs citadins plui cuiets e mancul traficâts.

Cui cal cognòs i Stâts Unîs al sa che i Merecans al e' un popul che miôr di atris al a specializade le art de tabaiade, specialmentri che casuâl cun int che no tu cognossis o che tu as apene cognosut. Un viaç intercontinentâi e tu sâs vite muars e miracui su le persone che je sintade ale to diestre ...e sinistre. Sigûr no ducj e son cussì, ma a cui cal ven dal forest chest al pues da' un ciert tipo di impression che no atris ca vie o dedin a ducj masse confidence. Di solit tantis voltis e chest lu sai e lu dîs par esperience personâl, cun che si va' tal forest si puarte daûr chestis abitudinis. Al pues capità' di di' un Mandi casuâl pe strade dal pais a une persone che no tu cognosis ma che ti passe dongje e tu ti cjatis a jessi scuadrât da cjâf a pîts. O intune buteghe, tu ti domandis parceche ducj e sedin cussì frêts scuasit maleducâts tai toi confronts. Chest articul al analize une vore ben i fraintindiments tra Merecans e Todescs che dopo e deventin une culture par ducj stereotips e cliche che o cognossin ben. A di le veretât, gjavait Todescs e miteit Furlans o atris nazionalitâts europeanis e al discors al e' al stes. Chest articul invezit al tabaie di cierts aspiets de culture merecane che an colpît l' autôr tornant a cjase in Americhe dopo un periodi in Gjapon.

Tantis scovacis

2008-01-01T16:43:00.000-08:00

Ogni tant al sucêt che mi smentei di meti fûr al bidon de scovacis, e dal moment che in tal me borc e cjapin su le scovacis une volte ale setemane mi cjati a voltis cun dôs setemanis di porcarie e sul marcjepît invezit di un bidon e son doi. Ma metin al cas che invezit di meti fûr setemane dopo setemane al bidon de scovacis e riciclabil o tignîs cont di dutis le porcarie par dodis mes ce sucedaressial ?

Ben chest siôr lu a fat, al a tignût cont ben organizât in casselis dut al material riciclabil cal a produsût in tai ultins 12 mes. Une iniziative interessante, e interessantis ancje lis sôs conclusions dopo un an.
Cumò par cui cal fos interessât, al sta' cirint un artist cal fasedi une sculture cun dutis lis sôs scovacis dal an pasât.

Bon Principi

2007-12-31T09:18:00.000-08:00

Bon Principi a ducj i Furlans ator pal mont e in Patrie.

Pene di muart abolide in New Jersey

2007-12-22T20:40:00.000-08:00

Contrari al stereotip cal vûl ducj no atris merecans forcaiui, al New Jersey che di fat nol a eseguît nissune esecuzion sin dal 1963 al a uficialmentri abolide le pene di muart. In curt le cort supreme e varà di decidi se le iniezion letâl e je di considerasi in violazion dal otâf emendament ale costituzion cal proebis crudeltât in te punizions.Ma al semee ancje che al livel nazional al sedi plui di un ripensament, tant che atris stâts e stan pensant di abolile .

Reclams di fa pôre

2007-12-22T17:27:00.000-08:00

Le campagne eletorâl Presindenzial chi in Americhe e je za di un biel toc in vore, al mes cal ven dopo lis primaris in Iowa e New Hampshire, planc planc le campagne e larà nazionâl e pe television e pe radio e scomençaran e trasmeti simpri plui reclams eletorâls.
Al e' simpri interessant viodi cemût che un candidât che fin a pocs mes prime al cirive al consens de base dal so partît al puarte les sôs ideis e al cirì di convinci l 'eletorât indecîs. Daur di ogni campagne e son studis demografics e miârs di oris spindudis par capi' in ce terminis cjacarà' cul eletorât . Sin dai timps dal famôs " Daisy Ad " di Lyndon Johnson al plui recent "Wolves ad " di Bush al us de pôre e le evocazion di emozions fuartis al e stat usât par podê trasmeti in mancul di 60 seconts un messaç sempliç e fuart al stes timp. Come confermât da chest recent articul le pôre e fas leve su une funzion primordiâl dal nestri cerviel tant plui potente de part razionâl. Colôrs, fotografis , musichis no dome e puedin evocà pôris ma ancje puartà a iniment memoris di timps miôrs o di une societât ideâl, come in tal famôs reclam politic It's Morning in America di Reagan . Come chest libri al conte, al messaç al ven assorbît plui come une emozion che come un concet o ideologjie.
Come che si svisìn alis elezions di Novembar, si viodaran simpri plui reclams, che proviodaran le fin dal mont in cas che al candidât oponint al vincedi, atris che prometaran al paradis terestri.Sperin ben, ma in ogni mut al sarà di ce divertîsi.

Pal moment al reclam politic che al a fate scuele :

Un toc di Europe in Nord Americhe

2007-12-18T16:50:00.000-08:00

Cualchi an indaûr cjalant di dongje le mape dal Canada, o ai scuviert Saint Pierre e Miquelon dôs piçulis isolutis a pocs miârs de costis dal NewFoundland. Investigant al salte fûr che son i ultins teritoris de gloriose Gnove France ( la Nouvelle-France ) che une volte e jere le aree nord-merecane colonizade de France.E usin l' Euro, e tabain in Francês come tal no masse lontan Quebec e soredut si sintin plui Francês di chei de mari patrie .

Le robe curiose e je che ta cheste isule e je presinte ancje une component dal Pais Basc, tant che le bandiere basche e je presinte in te bandiere dal teritori. E fasin fieste in onôr alis lôr radis Baschis une volte al an cun tun Festival Basc .

Cjadenis di Nadâl

2007-12-17T10:53:00.000-08:00

E cusi', al Sior Dree mi a imberdeât in cheste cjadene.

Tre agjetîfs par descrivi il to blog:

Forest, Zovin, Sparnicjat

Trops blogarìns astu cognossût di persone?

Nisun, pardabon. O soi masse lontan da chei Furlans....e da chei Merecans ancje.

Cuâl blogarin varessitu gust di cognossi di persone?

E son tacj blogarins che scrivin robis interesantis che mi plasarês di cognossi di persone. Se o fas une liste o soi sigûr di lassa' fûr cualchidun.

Cuâl isal il prin blog che tu leis la buinore?

Dipent de zornade, se o ai timp e se mi sint di lei alc.

Di cuâl blog tu fiestezaressistu la sieradure ?

Ma ce domandis sono chestis ? Mancul mal che je une cjadene di Nadâl. O soi pe libertât di peraule e espression par ducj.

Fâs talent scout: lancie un zovin blogarin-promesse.

Lis contis e son simpri interesantis : Cil Glaciat

Sante Luzie

2007-12-12T17:51:00.000-08:00

Dopo tancj agns ator pal mont, une robe no me smentei mai da bon ex-frut Furlan.

Sante Luzie

Buine Sante Luzie. ( pronunciade Lussie )

Atri Link

Sante luzie ator pal mont (Ingles)

Films merecans ?

2007-12-07T16:38:00.003-08:00

Spes cun che le int in tal forest e pense a films merecans, e pense a films patinâts, atôrs famôs e storis che semein impussibilis , fûr dai semenâts ( in Americhe si sa' o sin ducj cussì )
Le setemane pasade leint al blog dal Jajo o ai let un post che mi a fat vignì a iniment une des mes passions. I films indipendents e mancul cognosus. Al semee spes e vulintîr che un biel toc de culture popolâr merecane no ven mai esportade plui di tant fûr dai confins nazionâi. E son films fats cun pocs capitai e pocje propagande ma che deventin in dai "Sleeper Hit" e ispirin int, e crein interês in cierts tipos di argoments. Par plasè o no plasè no scugnin jessi dai sucès o dai faliments monetaris , ma dome contà une biele storie e meti insiemit un film origjinâl. Un event impuartant par tancj filmadors indie al e' al Sundance Film Festival, un puest le che tancj dai films e an vût al prin sucès che ju an sburtâts a gloris plui grandis . Un par di nons di films passàs di che bandis e son : El mariachi, Napoleon Dynamite , Clerks . E contin di zovins stramps , pistoleros messicans e crisis post-adolessenzials, robis che o nus fasin ridi, visâsi de nestre vite o insumià di puescj mai viodûts.

Ma dopo e saressin ancje ducj chei films plui tradizionâi che mertin ma che plui di tant no son mai stâts sburtâts fûr dai confins merecans , un titul tra i tancj: Rushmore .
Un film che o tu lu odeis o no tu puedis di fa di mancul di viodilu une volte al mes .

Chi sot al film sperimentâl Peluca che dopo al sucès dal Sundance al e stat fat in tun film veri e propit: Napoleon Dynamite .

Mai vonde Firefox

2007-11-30T18:48:00.000-08:00

Cjalant lis statistichis des visitis sul me blog , o ai viodût che e je ancjemò une biele fete di Furlans che sgarfin su Internet cul Internet Explorer... no dome ma su Google Analytics o ai notât che tancj no an le estension Furlane instalade sul Firefox.

Ben o cjapi le oportunitât par fa' un poc di propagande. Inanzidut al Firefox al e' tant plui stabil e svelt dal Explorer, tu puedis zontâ coretôrs orografics in marilenghe, tradutôrs, vocabolaris e tancj atris tramais. Ma al e' ancje l' unic sgarfadôr cal tabaie ancje par Furlan... come che si pues viodi de foto in bande.

Le instalazion e je semplice baste la' sul sît dal Firefox e scjariâ al sgarfadôr.
Dopo le auto-instalazion si va sul sît dal Firefox furlan le che o podês scjarià al Language Pack che al volte ducj i menu in marilenghe.

Par cui cal use Mac OS X, al Language Pack lu si pues instalâ seguint cheste procedure :

Une volte scjariât al file, viarzeit Firefox e tal spacio le che di solit o scriveit al non dal sît scriveit :

about:config

Fracait Enter/Invio e tal spazi le che al dis Filtri/Filter/Filtro scriveit :

general.useragent.locale

Fracait su le uniche vôs che reste e si viarz une barconete le co scrivarês :

Fur-It

Sierait e ri-vierzêt al Firefox . Et voilà al Firefox al e' voltât par Furlan.

Apatie politiche

2007-11-27T18:38:00.000-08:00

Le apatie par dutis lis robis che an a ce fa cu le politiche in jenfri alis gnovis gjenerazions no le' monopoli di un pais. Jo o seguîs le politiche cu le scuse che jessint zovin o varai o di pati' o gjoldi le conseguencis de politiche di vuê par un grum di agns dopo che tancj dai politics e son lats in pension.

O cîr di no da par scontât les mes libertât costituzionâl come chest articul al conte e plui di une volte in Friûl che in Americhe mi soi cjatât in cheste situazion :

Un lunc fin setemane

2007-11-21T16:28:00.000-08:00

Doman, le cuarte Joibe dal mes al e' "Thanksgiving" une zornade come pocjis. Come pocis parceche ancje se a une ispirazion religjose ( Ringracià al Signôr ) al di' di vuê e je cognossude come le zornade le che le fameis e i amis si cjatin par mangjà e sta insiemit. E je considerade une des fiestis plui merecanis dal moment che no fas riferiment a nissune religjon o culture in specific. E je une vorone sintude e ducj, dal imigrât apene rivât a le famee che je chi dai timps de Mayflower e fasin fieste .

No si pues smenteà che cun doman o sin uficialmentri in te Holiday Season (l' inizis de stagjon di Nadâl/Fin an/Hanukkah) e chest al vûl di che si viodin arbui di Nadâl, lus , e reclams pe television in teme fin ale nausie. E ancje par cheste rason al vinars cal seguîs Thanksgiving si clame "Black Friday" , dal moment che tantis buteghis e passin dai conts in negatîfs ( ros ) in positîf ( neri ) par vie de coincidence dal lunc puint feriâl e des tradizionâl svenditis. Se un turist forest al voledi viodi un dai aspiets plui stramps de Americhe vinars cal ven a 6 di matine fûr di un centri comerciial a cas al sarês un spetacul di no piardi.

Se no mi crodeis cjalait ca sot:

Robaris di chel atri mont

2007-11-14T20:09:00.000-08:00

O ai simpri pensât che un politic cal vent al so ufici e le so credibilitât par une tangjente lu fasedi cun discrezion. O ai cambiade idee dopo ve' viodût un filmât fat di scuindon de FBI che mostre un politic de Alaska cal fas fieste ridint e scherçant cun tun client dopo ve' vandût al so vot par cualchi miâr di dolars. Le ironie plui grande e je stade sintîlu di' tal filmât di' scherçant " The bigger you are the harder you fall ".

Ma si sa' les robaris fatis a spese de democrazie e dal contribuent no son monopoli dai politicants . Une impiegâde de Citât di Washington DC e a spindût scuasit un milion e mieç di dolars in tai ultins siet agns in vistis e scarpis li di Neiman Marcus ( un puest costôs come pocs). Sigûr, al so stipendi anuâl di $81.000 no i varês mai permetût di spindi e spandi cussì tant, je e i soi colegas in tai ultins agns e an rilevât des cassis comunâl ben 30 milions di dolars sot forme di assegnos fals.

Links

"O vendarês l' anime al diaul " al a dite al politic Alaskian
Storie dai impiegâts comunâi che an robat passe $30 milions

Tocs di Friûl in te suburbia merecane.

2007-11-08T20:11:00.001-08:00

Ben, che altre sere o soi jentrât in te buteghe dongje cjase me' e su sugjeriment dal paron ti viôt une gnove sezion plene di biris forestis. Tal mieç di butiliis mai viodudis prime ti cjati une vecje cognossince .... le bire Moret.

Le sgnape e al vin furlan cun un poc di pazience si cjatin pardut, baste ciri' e no ve pôre a vierzi al tacuin ma le bire furlane e je une altre storie.

Cumò' so podès dome cjatà' al frico.....

E son tornadis lis French Fries

2007-11-08T18:34:00.001-08:00

In te primevere dal 2003 propite cun che l' esercit merecan al pasave al confin Kuwait-Iraq su le vie di Bagdad al rest de Americhe e leve in vuere cun le France come al capite di solit almancul un dôs voltis ogni secul . Le situazion e jere cusi grivie che fûr di un ristorant francês une volte o ai viodût picjât un cartel cal diseve che i parons dal ambient e jerin Merecans e braurôs de lôr patrie. Le feroce vuere cuintri de Galie no dome si e fermade ai interès economics ma ancje cuintri espressions che di agnorums e fasevin riferiment ale France e a i Francês. Cusi invezit di "French Fries" e "French Toast" in cierts ristorants e te cafetarie dal Congrès si e' tacât viodi "Freedom Fries" e "Freedom Toasts" .

Cinc agns plui tart nol reste che al ricuart de polemiche trans-atlantiche, le France e un gnûf president e lis cartufulis fritis e son tornadis a clamâsi "French Fries".

E ducj e son daûr a bati le mans al gnûf president francês a Capitol Hill

Halloween ?

2007-11-02T19:17:00.001-07:00

Halloween . Une fieste no propite sintude di cui cal a pasât i 11 agns da un piêc. Ogni an e va e ven, e se no tu as frutins in cjase nancje no tu ti visis. E a radis, un poc come al nestri pignarûl e i krampus te societât rurâl de Europe di une volte. Cui agns tal gnûf mont si e trasformade da une fieste tradizionâl de Irlande, in tune sorte di fieste par i plui piçui. Le coce intaiade cul lumin cumò e marche les fameis le che i fruts in mascare e cjataran caramelis e cjocolatis, ma al semee che sedi fie de storie e di diviersis tradizions. Par esempli, une volte e jere mitude fûr pe stradis e cjasis di Irlande par fa lus guidà une anime pierdude di non Jack, in Americhe lis cocis e vignivin intaiadis vie de stagjon de trebiaturis .

Leint i gjornâi al par che stedi cjapant pît in te so forme Merecane, ( fie de storie Merecane ) in Europe e come un film mal dopleât e sta cjapant dut un significât difarent. Si sint tabaià di setis religjosis, striis e di diu nus vuardi. No sai ce pensà, che no je di sigûr le fieste co cognòs jo. E o ai ancjmo di capi' cemût che funzionin les tradizions par importazion o par sintût di'.

A di le veretât come cal conte ancje IlFurlanist e esist une tradizion des cocis intaiadis cul lumin dentri ancje tal Friûl , propite te zornade de vilie dai sants.

Forsit fra 100 agns o cambi cariere.

2007-11-01T17:11:00.000-07:00

Tantis voltis vie co gusti al me panin tor misdì no pues fa di mancul di lei al gjornâl dal di'. Dopo ve let le pagjine dai editoriâi, o cîr alc che mi tiredi su di morâl . Cusi' che altre di' o ai lete le storie di Aubrey de Grey al a apene vierte une fondazion pe ricercje cuintri de vecjaie. Cemût che le viôt lui, dutis lis tribulazions che vegnin cu le etât no son atri che une malatie, le vite e je masse preciose par jessi vivude cusi pocs agns.

A di le veretât ancje al MIT Technology Review no le' rivât par un premit di $20.000 a cjatà cualchi sienziât cal dimostredi che le vecjaie al e alc che no si pues fermà.

Che sedi une scuse par fami lavorà fin a 250 agns ?

Le so fondazion
L' articul sul Washington Post

Lis musis de Americhe.

2007-10-26T19:07:00.000-07:00

Timp indaûr o vevi scrit sui cliché Merecans tant cognosus ator pal mont. O eri rivât ale conclusion dal post disint che le diversitat e je le fonde de Americhe.

Al e poc ce fa', le storie dai ultins agns e an puartât ciertis impressions dai Stas Unis a cjapà ancjemò plui pît in tal forest. Le Americhe e je fate di int, e come Frank McCourt al diseve in tun dai soi libris " i Merecans e vegnin in dutis les formis e colôrs" .
Ma cui lu disie ale int foreste ? Cemût e dulà ?
Cusi' le Disney su direzion dal guviêr federâl, pro bono e a fat un filmât di cualchi minût cal mostre le muse de Americhe. Sigûr e pues vignì viodude come propagande, ma di une bande si scugne scomencia e in chest cas al sarà te salis di aspiet de Ambassadis merecanis ator pal mont e te salis doganâl dai aeropuarts merecans.

A di le veretât mi fas vignì a iniment une publicitât ( Ad Council ) che riclamave ale unitât nazionâl dopo l' Undis di Setembar le che si viodeve int di dutis lis etniis, religjons e etâts che disevin " I am an American "

Welcome: Portraits of America ( Gnûf filmât )
I am an American ( Ad Council )

Canadês Belgas, Merecans... ma ancje Furlans

2007-10-22T07:05:00.001-07:00

Cun co ai tacât chest blog o vevi pôre che l' unic Furlan tal forest che lu leieve o jeri dome jo. Invezit iar dopomisdì dopo jessi stat lontan dal computer par scuasit 24 oris, ti scuvierç un gnûf blog par furlan dal Belgjo e un gnûf ami/letôr dal Canada. (Doriano)

Come che si pues viodi e come co disevi ancje un doi posts indaûr le furlanie foreste e je sparniçade ator par dut ( o scuasit ) il mont, e a mitût ju radis in culturis une vore diviersis.
Un Belga Furlan, un Canadês-Furlan e trê Furlans-Merecans, che magari se si fossin cjatâts su un avion , o in tun ristorant no si saressin nancje inacuarzûts de nestre comun radis Furlane.

Ben po, o soi propite content.

Le fieste de patrie in Tennessee ?

2007-10-19T19:53:00.000-07:00

Cjale un poc ce che mi e' capitât,

Sgarfant su Internet o ai cjatât une famee che fas fieste al 3 di Avrîl ( Fieste de Patrie ).
Le robe plui strambe al e' stat scuvierzi dulà che son... un puest le che no mi lu sarês mai imagjinât: in Tennessee !
Kevin, al e' un Merecan di tierce ( mi par ) gjenerazion, ma no si e' smenteât di dulà che i soi antenâts e vegnin.

Une biele sorprese !

Cui sono i Furlans ator pal mont ?

2007-10-18T21:35:00.000-07:00

Si e' sintût par agns tabaià dai Furlans ator pal mont. Ma cui sino ? A voltis si sintin tocs di storiis, si sint tabaià di chel sens di identitât cal semee jessi cusi' fuart te comunitât de diaspore Furlane. Spes si smentee che je int prime di dut, int cu le so storiis cu le sôs ideis i soi mistiars e le sôs tribulazions. No je dome une prime gjenerazion, ma ancje une seconde e tierce, tirade su' cu lis storiis di tribulazions e i siums de prime. I furlans ator pal mont no son une entitât monolitiche, e son tancj i pais e les culturis le che an mitût ju radis. A voltis si son cjatâts di prime persone a fa' i conts cu le storie e i moments che an definît
les nazions le che si cjatavin.

Vuê us presenti al blog di Ivano Comelli, un merecan di pari e mari Furlans nassût in Californie a Santa Cruz ( bielissime citadine sul ocean Pacific ).

Li o cjatais fotografis e storis dal so borc de so vite e che dai Rancieri. Cui sono i Rancieri ? Ben po, lai a lei.

No dome abc

2007-10-11T19:03:00.001-07:00

Al semee che in curt si podarà ve "domain names" in caratars no latins. Par esempli fin cumò si pues doprà dome caratars latins (in te forme ASCII) tal non cal ven prime dal .com o .org. L' ICAAN ( Le organizazion che regule i dominis Internet ) lunis cal ven al tacarà a fa dai tests par viodi cemût che si pues cumbinà a ve' nons cun caratars che fin cumò no son stâts doprâts. Pal moment e stan lavorant su 11 lenghis/alfabets: Cines, Indi, Persian, Rus, Grec, Corean, Yiddish, Gjaponês e Tamil.

Magari un di' o varin ancje www.âêîôû.com

chi le storie

Al cil sore Udin

2007-10-01T17:25:00.000-07:00

Come tancj Furlans che van in Friûl ogni muart di Pape, o usi une vore YouTube par cjatà' filmâts
su le Furlanie . Chi o ài cjatât alc di interessant : "Al cîl sore Udin" di Silvia Michelotti.

Libertât di espression ( Tierce part )

2007-09-28T02:29:00.000-07:00

Burma

Le che i gjornâi e le televisions no rivin :

Ko htike Prosaic collection

Taxation Without Representation

2007-09-28T01:10:00.000-07:00

Washington Dc, come che ducj e san e je le Capital Federal dai Stâts Unîs, fondade in tal 1790 cun dai teritoris cedûts dal Maryland e Virginia (tornats a cheste ultime in tal 1846 )
Les targhis de machinis regjistradis a Washington DC, e disin " tasazion cence rapresentazion" che in pocis peraulis e son ispiradis al slogan de rivoluzion Merecane "Taxation without Representation is Tyranny!".

Cemût mai ? E je une provocazion par bande de aministrazion dal "District of Columbia", dal moment che i residents dal distret no puedin elei un/e rapresentant cun dirit di vot al Congress come i 50 stâts federai e puedin.
A part par une limitade aministrazion municipâl citadine, le grant part de decisions su cuestions e vegnin cjapadis dal Congress Federal che i Washingtonians no puedin votà.
Une des conveniencis pratichis di ve' in Congress un rapresentant come citadin al e' chel di jessi judât cun che si an fastidis cu le burocrazie federâl. ( Ce che no si fas par jessi votâts )

Scuasit ogni an le aministrazion locâl e cualchi senadôr simpatetic a le cause e cirin di proponi une lec o un emendament costituzionâl cal ricognossedi al District of Columbia al dirit di votazion in Congress o le amission ale union come 51esin stat.
Ancje chest an e an tentât e come ogni volte e je lade strucje.

Forsit ur conven propite tornà cul Maryland par podè votà dai rapresentants cun diret di vot.

Sito de iniziative

Libertât di espression (part seconde)

2007-09-26T14:49:00.000-07:00

dal Washington Post

Le libertât di espression...un esempli Merecan.

2007-09-25T20:44:00.001-07:00

Metin al cas.

Tu as un personaç politic forest cognossût pe sôs ideis su le revision/negazion dal Olocaust
Al ven invidât a une conference ale Columbia University in New York une citât cognossude come progressiste e cjase par cualchi milion di merecans di origjine Ebraiche.

Dopo une setemane di antecipazion fate di polemichis sui gjornâi merecans e tension, come che si pues viodi de presentazion fate dal Dr. Lee Bollinger e je stade une impuartante lezion su le libertât di opinion e sui dirits garantîts dal prin emendament.

Al Belgjo cidin cidin al a cûr di spari'.

2007-09-21T18:11:00.000-07:00

Leint in tai gjornâi ator pal mont al semee che par passe cent diis in Belgijo no rivin a metisi d' acuardi su ce guviêr fa' o su cui cal a di governà chest stat federâl formât de Fiandre de Vallonie e de aree capitâl di Brussells. E son stadis fatis les votazions e cumò' dut ale' ancjemò in tal limbo.

Se un doi mes indaûr le television Belghe par finte e veve dite che les Fiandris e vevin secedut dal Belgjo e ladis par lôr cont e al pais al jere scuasit colât in tal panic, cumò al semee che si feveledi pardabon . Dome un tierç de popolazion gjenerâl e pense che fra dîs agns al pais al esistedi come cal esist vuê. Chel al semee cal sedi sticjiat ancje dal fat che tes Fiandris viodude le situazion politiche plui int di prime e tache a viodi le dissoluzion come une alternative.

Chi sot par lei di plui :

Expatica
Bloomberg
New York Times

Le crisi dai Mutuos

2007-09-07T16:27:00.001-07:00

Dree, al domandave timp indaûr di spiegà le "crisi dai mutuos" che i gjornâi ator pal mont e fevelin tant. No soi un economist, ma o cirarai di spiegâle miôr co pues.

Ce robe ise ?

Prime di dut, e je une crisi leade a ciertis istituzions bancariis che an investît une vore in securities ( azions di borse ) leadis al marciât dai mutuos subprime. In pocis peraulis ai prestits pe cjase fats a int che no podeve par motîfs economics e di precedents ve' al miôr pussibil tas di interess.

Cemût ise scomençade ?

Ben, le nature stesse dai clients che cjapavin in prestit centenârs di dolars in tun marciât immobiliar in cressite, al jere un riscjo di par se', ma se le domande di cjasis e continuave al riscjo di pierdi becs su un mutuo no paiât al jere simpri bas.
Chest al le' lat indenant par un poc, judât dai bas tas di interès de Fed, e de possibilitat pal paron dal mutuo di vendi le cjase e paià fûr al debit in cas che le robis no fossin ladis propite ben. Ma dopo, al marciât immobiliar si e' fermât, i presis de cjasis in ciertis bandis dal pais no cressevin ma e levin ju', i tas di interess sui mutuos variabils e son las su' e tante int si e' cjatade cun plui mutuo di ce' che podevin paià e cence le pussibilitât di vendi le cjase ( dal moment che tante int e jere te stesse situazion )
Cusi come in tun domino, le reazion e je tacade, tacant da cui cal a pierdude le cjase a le UBS AG che a pierdût 150 milions di francs par i investiments leâts a chest tipo di mutuos.
Chest dopo si e' sparniciat a magle di vueli su "Wall Street" e dutis lis atris placis di investiment ator pal mont.

No soi ne' un economist ne' un espert in materis finanziaris, chest al e' ce' che o ai capît leint i gjornâi e scoltant le radio.

Links par capi' di plui :

International Herald Tribune
USA Today
Cualchi storie di int che a pierdude le cjase

No o vin premure !

2007-09-05T17:48:00.000-07:00

Une societât e je formade di diviersis gjenerazions, e ogni gjenerazion e a carateristichis colôrs e savôrs soi. Tal me tentatîf di contà le realtât e al pais le co vîf no pues smenteami de relazion tra le diviersis gjenerazions di merecans.
Le gjenerazion che sta' jentrant in tal mont dal lavôr in chescj agns e smanie di passà dai bancs di scuele alis posizion Manezarial daurman.
Cheste e semee jessi une de carateristichis de gjenerazion Y le fie dai Baby Boomers , une gjenerazion cressude in tune epoche di prosperitât ma ancje plui figotade e vissiade de chês che son vignudis prime. Zovins usas a Internet e ale tecnologje dai ufizis ma ancje cun pocje pazience par les lungjis gavetis.
Ise propite cussì ?
Par save' di plui, o podês lei le newsletter dal Harvard Business School e tabain propite di cheste gjenerazion... le me' gjenerazion.

Quebec....Canada ?

2007-09-03T08:51:00.000-07:00

Lant su' pe interstatal I-87 in tal Stat di NY, dopo jessi pasàs par centenârs di kilometris di forestis e montagnis si scugne fermâsi pal puest di bloc de frontiere Canadese. Apene jentrâts in Canada, i segnai stradâi e le lenghe usade de int no je plui che Inglese, ma Francese o miôr "le français québécois", le varietât di francês tabaiade di chestis bandis.
Al semee un mont difarent dal rest dal mont anglofono, no dome le lenghe e je difarente ma ancje le maniere che le int si compuarte e al mut di fa' al e' une vore difarent di chel si e' usàs tai Stats Unis, no par nie cheste provincie e a' une fuarte identitât regjonâl, e une storie che va' indaûr 400 agns.

Ancje se le grant part dal Canada no tabaie par francês, in Quebec al francês e je le lenghe uficiâl de provincie, grazie ale "loi 101" ( al statût cal regole le uficialitât dal Francês in Quebec ) Propite le setemane pasade al 26 di Avost (1977-2007) a le' colât l' aniversari de aprovazion de lec. Al semee stranît che par che si ricognossedi al dirit di un popul di fevelà' le so lenghe mari cul guviêr si vedi spietât cusi' a lunc, ma le storie e je stade tant plui complicade e no simpri ducj e son stâts dacuardi. Le rason mari e semee jessi che si trate simpri che je une isule Francofone in tun ocean Anglofon e a tante int i da' fastidi che al Frances al vignedi tutelât. Ma chestis e son polemichis co lassi ai Canadês. :-)

Visità al Quebec e je une esperience uniche, soredut le regjon di "Ville de Quebec" ( capitâl de provincie ), le architeture e le atmosfere e a savôrs e colôrs di un atri continent, e le nature e i paesagjos e son cent par cent dal gnûf mont, (parcos naturâls, braidis, cascadis ....)

Particolaritât Culturial + tutele = une slavinade di turiscj di ogni bande di mont

In Americhe i purcis e svolin.

2007-08-16T09:35:00.000-07:00

A voltis cun co tabai cun tante int foreste che stan visitant i Stas Unîs mi vegnin i sgrisuli su ce che le int ator pal mont e pense su cemût che je le vite ca vie. Se o varès di la' daûr a corezi e barufà' su dutis lis bufalis co sint o pierdarês un grum di timp e amis. Su dut al esist un font di veretât, ma a voltis parsore si son montadis realtâts che no esistin o che son, cjapant in prestit une peraule taliane e inglese "sensazionalizadis".

A cui da' le colpe ?

Spes si met al dêt su ce che in Americhe al e' definît "Mainstream" , ce che al e' plui o mancul al minim comun denominadôr de nazion in culture, musiche guscj. Ma esistial par dabon ?

Come un articul umoristic e sarcastic dal "The onion" al scherzave cun : "Study: Majority of Americans Out of Touch With Mainstream" , le magjoranze dai merecans no le pense come le magjoranze e vorès. Un articul sul Time al semee propite dimostrà' cemût che le culture Merecane tal 21esim secul e je plui complicade di ce cal semee, plui diferenziade tant che al cusi' clamât "Mainstram" al sedi stat suiât da lis gnovis tecnologjiis che nus permetin di la' daûr a i nestris guscj e ideologjiis lontan de ombrene dai mass media tradizionâi.

Le diversitat e je cuasi simpri stade le fonde de Americhe, cumò o speri che ancje al rest dal mont si inacuarzedi.

Dut par un par di bregons....

2007-08-07T14:28:00.000-07:00

Un zovin judic al jentre in tune lavandarie e al consegne un par di bregons. Al torne un doi dîs dopo e i disin che no rivin a cjatâju. Le setemane dopo ju cjatin, ma chest judic al dîs che chei bregons no son soi e al domande che i dedin $1000 pal damp. Al paron de buteghe al dîs di no'. Al client alore al decît di la' in tribunâl e fa' cause al lavandâr par ben $67 milions.

Parcè ?

Par dut al stress/esauriment che le pierdite dai bregons i a dât.

Al 25 di Jugn le Cort Superiore di Washington DC e a decidût in favôr dal lavandâr, ma come se nol fos avonde, al Gjudic chest mes i scjât al mandât e al semee che che no vedin intenzion di rinovagj al puest di lavôr, dal moment che si e' fate une brute reputazion...

par un par di bregons....

le storie

Une volte....

2007-08-01T17:27:00.000-07:00

Un dôs setemanis indaûr o ai scrit cualis che son le esperiencis dai furlans imigrâts e dai lôr fis ator pal mont. Une robe, simpri dade par scontât e je le presince di fogolârs furlans in ogni bande di mont. Spes e vulintîr le storiis daûr ogni Fogolâr e Famee Furlane e son cognossudis dome a pôcs e spes cui che nol a mai lassade le Patrie nol cognòs dal dut les aventuris, faturis e umiliazions che in tancj furlans e an vivût ator pal mont.
Tantis voltis no jerin dome storiis di fan e miserie lassade daûr ma ancje di gnovis tribulazions in tieris forestis.
O ai cjatât une vore interessant un cjapitul in tal libri "Writing across world : Literature and Migration", tal ultin paragraf de pagjine 151 al conte cemût cal fogolâr furlan al funzionave tai agns '30.

Vôs Furlanis (part seconde)

2007-07-31T22:10:00.000-07:00

Ogni tant sinti' simpri le stesse solfe pe radio al stufe... cusi cirint alc di plui interessant su internet o ai cjatat une Radio canadês che trasmet une volte ale setemane un programe par i Furlans di Toronto. Si clame "Mandi Mandi", e va in onde ogni Vinars alis 9.10 am EST ( ore di Toronto ).
Si pues scoltâle dal vîf , o se si a voie e son ancje des regjistrazions di intervistis, intervents e varis sul sît che si pues scoltà'.

Par plui informazions

A scuele di zentilece

2007-07-23T14:53:00.000-07:00

Ogni tant ale' une vore interessant viodi cemût che atris culturis che son migradis tal forest e metin ju radis, e cemût che les lôr gnovis gjenerazions si compuartin te tiere di adozion.

Tai ains '80 e je stade une grande migrazion di Persians ( Iranians ), tai Stas Unîs, par motîfs politics. Come simpri cui che si pues permeti' di scjampà par prin par vie di une rivoluzion al e' cui che no dome al a' plui sintiment ma ancje plui risorsis.

Al sucêt che 20-30 agns dopo, i fis nassûts chi' e semein ve' pierdût che zentilece e galateo che definissin i Persians , e son deventâts une vore Merecans te lôr manieris e graciis . ( dopo dut e son nassûts e cressûts chi )

Une vore preocupàs di cheste tendence un grup di Persians-Merecans, al a decidût di fa' un "camp", le che no dome e puedin cjatâsi cun atris zovins di similis radis ma ancje rinfrescjasi sui costums dal vecjo pais.

Ce costums ?

Tipiche conversazion Persiane :

Ami' nr 1 Biele le to cjamese.

Ami' nr 2 Le vuelistu, te doi se tu as voe ? ( fasint moto di gjavâle )

Ami' nr. 1 Noo dome o disevi (.... se merecanizat Sigûr.... dâmi ca' )

Chi l'articul

In jenfri a doi monts

2007-07-18T12:06:00.000-07:00

No jessi dome Furlans, jessi migrants o nasus in tun pais che par no atris no le' forest , ti puarte ogni di' a confrontati cun des realtât diviersis. Ti puarte a voltis a cjatâti in situazions une vore similis a chi dai Third Culture Kids, fruts che son cresus e an mitût ju radis in tun pais difarent di chel di citadinanze. Tu cognossis dôs culturis, dôs lenghis, tu ses cresut o tu ses lat a finì' (imigrant ) in jenfri a doi monts.

Si a cûr di la indenant e indaûr tra le tiere di nassite e che adottive, e cjatasi in situazions une vore strambis come cualchi an indaûr al contave un imigrant Talian di Boston al National Geographic, a Boston si sintive dome un imigrant ma cun cal tornave in feriis in Italie le int lu viodeve dome come un turist Merecan. ( leamp, al ocor paià par viodi l'articul intiar )

Par capi' di plui su le interazion tra les culturis, radiis e lenghis, a voltis no je miôr maniere che lei libris e poesiis scritis da le int che chestis esperiencis les a vivudis di prime man.
O ai cjatât une vore interessant al scrit di Dore Michelut une Furlo-Canadese che tabaie de so esperience. Tra i libris che a scrit al e' A Furlan Harvest, un libri scrit in Ingles cal tabaie di lenghe e imigrazion. Un altre interessant leture e je" Friulani Writers in Canada: Elegy for the Future " si tabaie di migrazion e culture furlane in Friûl e Canada.

Vôs Furlanis

2007-07-15T19:55:00.000-07:00

Lant ator pe ret o ai cjatât une radio argjentine che prodûs une volte ale setemane un programe sul furlan e i furlans clamât "Fuarce Furlans". Tal lôr catalogo on-line di trasmissions su mp3 , si puedin cjatà' intervistis , intervents e tant atri fats in lenghe furlane cun un tic di savôr argjentin.

Chi une cerce dal programe

Chi al sit de radio

Ce cal coste a conta' bausiis

2007-07-12T18:18:00.000-07:00

Un dai tanc dovês come citadin di un pais le che al sisteme legâl si base sul le "common law" al e' chel di servì in tune jurie . Nol capite spes a di al vêr, tante int no a mai scugnût fâlu. Al pues jessi interessant o mancul ma par tante int e je dome une grande secjadure. Un dai recuisîs par jessi acetâts dal judic al e' che no tu sedis prevignût cuintri nissune etnie, religjon o nazionalitât e che tu sedis une persone oneste. Ma al stes timp al e' obligatori e no tu ti puedis inventà' scusis.

Setemane pasade, un omp in Massachusetts al a' diclarât che nol podeve jessi amitût te jurie parcè no dome al jere razist e omofobic ma ancje bausâr. Al judic alore i a domandât se in chel moment al steve contant balis... e chel al a rispuindut che nol saveve, al podeve ancje jessi stat al cas.

A chest pont al judic fûr di se', lu a mandât a fa compagnie ale stesse int che chest balotaro al varès vût di judicà.

Lait chi par lei le storie

Furlans di Baviere

2007-07-06T20:25:00.000-07:00

Luche Melchior, al e stat intervistât da lenghe.net , sul dotorât di ricercje in lenghistiche cal a fat su le comunitât furlane in Baviere.

Lait a lei le interviste

Luche, bulo :-)

Un "YouTuber" a spas pe Patrie

2007-07-06T20:14:00.001-07:00

Simpri sgarfant su YouTube o ai cjatât chest filmât fat da un turist Inglês su les stradis dal Friûl . Biel viodi le nêf sul Matajur ....

Nol semee cal savedi tant sul "Furlan"... ma a mancul la viodût i cartei par Furlan.

Une Tiare cence int

2007-07-06T16:27:00.000-07:00

Tantis voltis in ciertis areis rurâl de Americhe mi e' capitât di passà par paiis che e vevin viodût timps miôr. In gjenar si trate di ex boom-towns pais e comunitâts nassudis dongje di une miniere dâur o in tai timps plui recents di cjarbon ( agns 50 e 60 ). Tantis voltis al semee che ducj si sedin cjapàs su e partîs, e lassât daûr cjasis, buteghis e cjamps pustots, deventant cussì Ghost Towns.
Chest si capis e son piçulis comunitâts le che le int e veve pierdût dutis les oportunitâts di sbarcjâ al lunari e e son migradis di cualchi altre bande. Ma se invezit di une piçule comunitât dute le int di chest mont e sparis vie pe gnot, par trop adilunc le impronte de nestre civiltât (o inciviltât) restaressie evidente ? Cence impresaris, moredôrs e manutenzion stradâl, cence int su cheste tiere, trop voresie alis fuarcis de nature par distruzi lis nestris citâts, puints e autostradis ?

Un articul su Scientific American al fas une recension a un libri cal tabaie propit di cheste pussibilitât :

Chi l' articul

Cemût cal nas un pais

2007-06-29T05:27:00.000-07:00

In tune nazion le che le popolazion e cres scuasit dal 1 % ogni an a le simpri bisugne di gnovis cjasis, scuelis e buteghis, chest si tradûs in gnovis comunitâts . Spes e vulintîr in tantis bandis di mont le planificazion e progjetazion di un pais e ven fate a tocuts vie plans regoladôrs e a discrezion de aministrazion dal moment .
Tai agns '60 un ciert James Wilson Rouse si e' rindût cont che le popolazion e sarês cressude e che gnovis cjasis e sarasin stadis fatis su' volint o nulint in te aree metropolitane di Washington DC.Di ce che al viodeve se le situazion e continuave come tai agns pasàs ( '50 ) tal zîr di cualchi an si sarês cjatàs cun un svilup de regjon disordenât e une sorte di Dystopie urbane.
Al jere un impresari idealist su chest no son fastidis, ma al veve ancje di fa' un franc, al a studiade le contee di Howard che je in jenfri di dôs citâts Washington/Baltimore, e al a progjetât une citât

di passe 100.000 animis le cal jere dome une autostrade interstatal e tancj cjamps di blave.
Cheste citât e varês vût di pare' bon, jessi ideâl par une famee, cun trois che van par boscs e prâts. Al stes timp, e varês vût di jessi tra les primis citâts in Americhe a ve une integrazion a le pari tra dutis les etniis. Cussi e je nassude Columbia , une des primis citât planificadis in Americhe, le stradis lis cjasis les scuelis e les buteghis e jerin stadis fatis su ben prime che anime vive si fos trasferide in cheste comunitât tal mieç des braidis dal Maryland. Ancje se al de di vuê e son scuasit 100.000 personis nol semearês che fos dute cheste int, e par bon a di al vêr, gnovis costruzions e son regolamentadis secont standards architetonics e al progjet e les specificazions origjinal. ( tant par no ve une scarpe e une çavate )

Un poc di sintiment e ambizion di bande di un impresari e a fat pussibil che deventedi une des mjor comunitats in Americhe par cualitât di vite.....

Fotos e un poc plui di storie sul puest

E tabain di Tocai su YouTube !

2007-06-28T20:35:00.001-07:00

O stevi sgarfant su YouTube cun che o ai cjatât une recension sul Tocai

(Tocai Furlan si capis )

Le Aquile blancje ( Bald Eagle ) no je plui a riscjo

2007-06-28T17:51:00.000-07:00

Vuê al Dipartiment dal Interni al a gjavade le acuile dal cjâf blanc, da le liste des bestiis a riscjo di estinzion. (Endangered Species Act).
Tai agns '50 e '60 si jere rivàs une vore a riscjo che le acuile disegnade su tancj dai simbui dal guviêr federâl merecan e fasês le fin dai dinosaurs,e propite vuê e je stade diclarade uficialmentri fûr pericul dal Segretari dal Interni Dirk A. Kempthorne. Le popolazion cumò e supere i 70.000 esemplârs in dut al mont. ( dome metât e son in Alaske ).

L'articul dal Washington Post

P.S. Al jere stat a so volte proponût al dindiat come simbul nazional, ma chiste je une altre storie.

Amish e English

2007-06-23T09:18:00.000-07:00

Guidant in te Pennsylvania ( ma ancje in Ohio ) ogni tant ti capite di viodi segnai stradâi une vore curiôs , che magari tu varessis viodût 13o ains fa' se fossin stadis stradis cun le segnaletiche dal di di vuê. Se tu cjalis ben ator tu viodis che je int che lavore tai cjamps usant vuarzinis e cjavai (o vacjs) propite come i nestris nonos nus contavin. Chiste no je le "twilight zone" ma dome une aree le che vîf une popolazion Amish.
I Amish par motîfs religjôs e stan ale largje di dutis lis conveniencis modernis, e vivin in borcs ducj lôr, taiàs fûr de popolazion gjenerâl no dome da de distance fisiche ma ancje des diferencis culturâl. Un articul recent su NPR (Radio Publiche) e va oltri le solite retoriche turistiche e si va' in tes relazion tra i Amish e i lôr vicins di cjase "English" ( Une definizion Amish par cui che no le' de lôr religjon). E propit par chestis difarencis culturâl e dal stîl di vite cal compuarte no simpri e vegnin viodus di bon voli dai English.

Parcè ?

Lait a lei l'articul !

Mandi o soi gnûf

2007-06-22T21:24:00.002-07:00

O soi un Furlan che come tancj atris in chest mont no son in Friûl o ven paiât in une valude che no je l' Euro, o vîf in tun pais le che no si tabaie ne Furlan ne' Talian. Pe television no son partidis di balon ma di "Football , Basketball, Baseball e Hockey.....e tant atri a di al vêr. Cun co pensi ale politiche no pensi al Montecitori ma a Capitol Hill Cun co voi al mâr no voi a Grado ma a Fenwick Island .

Forsit o ves za capît e nol ocor co ledi indenant, cence fale lungje o soi un furlan cal vîf tai Stas Unîs, le me vite di ogni di e je un tic diferente che a Udin, e forsit dut chest mi puarte a ve un pont di viste difarent. Cun chest sito o vorès fa' cognossi e cognossi les realtâts che esistin ator pal mont, contadis cun peraulis furlanis.

Sal le alc che o volês contribuî no steit a ve pôre, lassait un coment. Chest al vôl jessi un puest par dûc i Furlans sparniçâts ator pal mont.